Ötən ilin sonlarında Google-un mobil telefonunun xəbərləri texnologiya bloglarında dolaşmağa başlamışdı. İlk əvvəllər Google tərəfindən belə bir fikirləri olmadıqları deyilsə də, sonra ortaya Nexus One çıxmışdı. Bu dəfəki iddialarda isə növbəti internet nəhəngi — Facebook-un telefonu olacağı yöndədir. Bu xəbəri ortaya atan qaynaq Techcrunch-dur. Hansı ki, Apple-ın iPhone telefonunu, Google-un Nexus One telefonunu ilk əvvəl bu blog yazmışdı.
Deyilənə görə telefonun üzərində, Facebook-un iPhone application-un üzərində işləyən Joe Hewitt ve Google-un Chrome OS-un əvvəlki idarəçilərindən Matthew Papakipos işləyəcəklər. Business Insider-in məlumatına görə isə, telefon dəqiq Android üzərində olacaq.
Ancaq Facebook nümayəndəsi Mashable-ə açıqlamasında deyib ki, bəs bu yalan xəbərdir. Ancaq Techcrunch israr edir ki, xəbər doğrudur. Webrazzi isə məsələyə münasibət bildirəndə qeyd edir ki, əgər indiyə qədər Facebook-un belə planı yox idisə də, bundan sonra telefon istehsalı barədə düşünə bilər.
Facebook-un telefon istehsalına ehtiyacı varmı deyə düşünsək isə, mənim fikrimcə qəti lazım deyil. Facebook nə qədər böyük sosial şəbəkə olsa da, nəsə mənə onun telefonu etibarlı bir cihaz kimi gəlmir. Əgər Google öz Nexus One-ı ilə lazımı satış rəqəmlərinə qalxa bilmədisə, inanmıram Facebook-un telefonu yüksək satış həddinə çatsın.

Bu gün axşam maildə yaranan yeni funksiyanı gördüm. Call phone funksiyası. Readerdə axtarış edəndə gördümki Mashable, Techcrunch kimi bloglar da bu haqda elə təzə yazıblar.
Maildə, chat bölümündə, istifadəçilərdən əvvəl Call phone funksiyasını görmək olar.

Üzərinə kliklədikdə isə normal chat yerində açılan bir pəncərə və nömrələri yığmaq üçün bir panel açılır:

( Ətraflı oxuyun )

«Apple» şirkəti müsəlmanlar üçün xüsusi İslam telefonları hazırlayıb. «Məkkəni tapın» və «məscid axtar» adlı proqramların olduğu telefonlar istifadəçinin olduğu yerin qibləsini və ona yaxın olan məscidlərin xəritəsini göstərir.

«iPray» və «iKoran» adı verilən telefonlar «iPhone» telefon nəslindəndir. Bundan başqa telefonlarda səsli və yazılı şəkildə Quran proqramları da yüklənib. Xəbərə görə, telefonlar bu yaxınlarda satışa çıxarılacaq.

www.mobildunya.az veb səhifəsi mobil telefonlar haqqında ətraflı məlumatların əldə olunmasına xidmət edir.

Veb səhifə üç istiqamət üzrə fəaliyyət göstərir:

1) Mobil telefonların istehsalçısının bütün modelləri üzrə və ya istehsalçının konkret modelinə görə axtarış aparılması.

2) İstifadəçilərin istədikləri mobil telefon funksionallıqlarının (Korpus, yaddaş həcmi, blutuz, WIFI, radio, kamera, video və s. olub olmamasına görə) hansı modeldə olduğunun tapılması.

3) 2-3 mobil telefonun müqayisə olunması.

Veb səhifədə əsas üstünlüklər ondan ibarətdir ki, mobil telefon haqqında ətraflı məlumat almaq olur. Misal üçün mobil telefon axtaran zaman onun funksionallıqlarını, orta hesabla 5-6 görünüşdən müxtəlif rənglərdə fotolarını, ən əsasə isə tağılan telefon haqqında video çarx izləmək olur, hansı ki telefonun hərtərəfli görünüşü və daxili menyuları və s. funksiyalarının necə işlədiyini görmək olar.
Bir neçə telefonda isə video çarxlarda mobil telefonun reklam çarxı yerləşdirilib.

Funksionallığa görə axtarış aparmaq üçün istədiyiniz funksionallıqları qeyd edib axtarış apararaq bu funksionallıqların hansı telefonda cəmləndiyini və həmin funksionallığa ən yaxın olan 10 modeli görmək olar.

www.mobildunya.az veb səhifəsinin digər üstün cəhəti ondadır ki, Azərbaycan, Rus və İngilis dillərində fəaliyyət göstərir.

AzerDict-in mobil istifadəçilərinin də olduğunu nəzərə alaraq lüğətin mobil cihazlar üçün olan versiyasını təqdim edirik. Bu versiyaya http://m.azerdict.com keçidindən daxil ola bilərsiniz.

Xatırladaq ki, AzerDict-in mobil telefonlarda istifadəsini daha da rahatlaşdırmaq və sürətləndirmək üçün lüğətin mobil versiyasında funksiyalar məhduddur. Bloq, Sual-Cavab, Günü sözü və s. bölümləri mobil versiyada fəaliyyət göstərməyəcək.

Microsoft şirkəti yeni Windows phone telefonlarının dünya bazarına buraxılmasını bəyan etdi. Sözügedən Windows phone telefonları müxtəlif çeşid və qiymətlərlə təklif olunur. Windows phone ilə istifadəçilər öz telefonlarını bir barmaq toxunuşu ilə idarə edəcək və əla mobil brauzeri ilə İnternet səhifələrini nəzərdən keçirə biləcəklər. Həmin telefonların istifadəçiləri həmçinin iki yeni xidmətə qoşulmaq imkanını da əldə edəcəklər. Həmin xidmətlər bütün məlumatların ehtiyat nüsxələnməsini həyata keçirməyə, həmçinin telefonda olan məlumatları şəbəkə çərçivəsində bölüşməyə və Windows Marketplace-da bir sıra faydalı proqramları əldə etməyə imkan verir. Microsoft şirkəti ümid edir ki, şirkətin tərəfdaşları 2009-cu ilin sonunadək 20-dən çox ölkəyə 30-dan çox yeni telefon növlərini təchiz edəcəklər.


( Ətraflı oxuyun )