16 may saat 16:00-da Bakı Jurnalistika Məktəbində "Transitions" tərəfindən təşkil olunan Sosial Yeniliklər Düşərgəsi (SYD) ilə bağlı görüş keçiriləcək. Görüşdə bu düşərgə haqqında bu məlumatlar veriləcək:

* SYD-nin mahiyyəti
* Sosial Yenilik və internetin əlaqəsi
* SYD nə üçündür?
* SYD-nin ana xətti və baş vermə mexanizmi
* SYD-yə hansı formalarda qatılmaq olar?
* İdeyalar hansı suallara cavab verməlidir?
* İdeyalara verilən tələblər
* İdeyalar üçün nümunələr
* SYD nədir?
* SYD nə deyil?
* İştirakçılara verilən tələblər
* Qiymətləndirilmə kim tərəfindən və necə aparılacaq?
* Tədbirdə iştirakçıların hansı xərcləri təşkilatçılar tərəfindən qarşılanacaq?
* Sosial Yeniliklər Düşərgəsinin keçiriləcəyi məkan və tarix

Təlimçi: Emin Hüseynzadə (layihə rəhbəri)

Görüşdə iştirak etmək pulsuzdur, lakin qeydiyyatdan keçmək tələb olunur. Qeydiyyat proseduru, görüşün ünvanı və başqa məlumatlar düşərgənin saytındakı elanda yer alıb.

Mart ayında Avropa Gənclər Parlamentinin Polşanın Krakov şəhərində növbəti regional sessiyasının keçiriləcəyi barəsində elan gördüm. Elanı oxudum və məlum oldu ki, müxtəlif komitələrdəki mövzularda internetin və yeni texnologiyaların tətbiqi diqqət mərkəzindədir. "İnkişaf" komitəsində olan mövzu isə birbaşa e-nəsilin e-demokratiya prosesində iştirakı və müasir medianın gənclərin seçkidəki iştirakının artırılmasında necə istifadə oluna biləcəyi barəsində idi və hazırda Sosial Yeniliklər Düşərgəsinin layihə koordinatoru olduğumdan bu cür sosial innovativ ideya ətrafında müzakirələrdə iştirak etmək üçün bu komitədə olmaq qərarını verdim. Komitəmizdə müxtəlif ölkələrdən (Azərbaycan, Türkiyə, Estoniya, Polşa, İsveç, Belarus, Ukrayna, Xorvatiya) iştirakçıların olması müxtəlif ölkələrdəki təcrübələrlə tanış olmağa imkan verirdi. Xüsusən də e-hökumət sahəsində dünyada ilk yerlərdən birini tutan Estoniyadan iştirakçının olması müzakirələri daha da maraqlı etdi. Müzakirələri mövzu ətrafında (E-nəsil üçün e-demokratiya, Avropa gənclərinin seçkilərdə daha aşağı iştirak etməsinə cavab kimi. Müasir media Avropa Birliyində gənclərin seçkilərdə iştirakının artırılmasında necə istifadə oluna bilər?) beyin həmləsi etməklə başladıq, fikirlərimizi 3 qrupa böldük: problemlər, faktlar, həlli yolları.

( Ətraflı oxuyun )

2010-cu il sentyabrın 18-19-da "Transitions"-ın təşkilatçılığı ilə Azərbaycanda ilk Sosial Yeniliklər Düşərgəsi keçirilmişdi. Ötən il bu düşərgəyə olan 200-dən çox müraciəti və cəmiyyətdə yaranmış marağı nəzərə alaraq təşkilatçılar bu il də növbəti Sosial Yeniliklər Düşərgəsini təşkil etməyi qərara alıblar. Yeni tədbirin saytında bu barədə elan yerləşdirilib. Hazırda saytda Sosial Yeniliklər Düşərgəsinin nə olması və necə baş verməsi barədə məlumat, düşərgəyə göndərilə bilən ideyalara verilən tələblər, digər ölkələrdə indiyə qədər keçirilmiş eyni tipli düşərgələr haqqında məlumat (qalib gəlmiş və ya seçilmiş ideyalar, tədbirlərin veb-səhifələri, düşərgə barəsində çəkilmiş filmlər), ideya göndərmək və iştirakçı kimi müraciət etmək üçün formalar, tədbirlə maraqlanan şəxslərin suallarını, iradlarını, təkliflərini, eləcə də şikayətlərini cavablandırmaq üçün əlaqə vasitələri yerləşdirilib. Qeyd edək ki, düşərgəyə seçiləcək ideyaları xarici mütəxəssislər qiymətləndirəcəklər və yalnız ideya müəllifləri tərəfindən yayımlanmasına icazə verilən («açıq») ideyalar saytın müvafiq bölməsində yerləşdiriləcək. Tədbir üçün qeydiyyatın son tarixi 25 iyundur. Tədbirin keçiriləcəyi yer və dəqiq tarix bu yaxınlarda açıqlanacaq

Bu gün BakuTel sərgisinə tamaşa etməyə getmişdim. Əslində plan o idi ki, sərginin ilk günü gedək. Məlum olaraq, sərginin açılış vaxtı dəyişdiyindən, sərgini ziyarət vaxtı da avtomatik dəyişildi. Ona görə bu haqda öz fikirlərimi hələki indi yazıram. Yəqin ki, indiyə qədər sərginin gedişatı, oradakı stendlər haqqında oxucuların çoxusu ya gedib görüb, ya da indiyə qədər oxuyub. Mən də ona görə sərginin gedişatı haqqında yox, elə ümumiyyətlə sərgi haqqında fikirlərimi qeyd edəcəm.

( Ətraflı oxuyun )

Press-reliz: Azərbaycan Respublikasının Təhsil Nazirliyi tərəfindən 22 noyabr 2010-cu il tarixində Bakıda “Təhsil və Texnologiya vasitəsilə İqtisadi İnkişaf” beynəlxalq konfransı keçiriləcəkdir.

Konfransının məqsədi Yeni Müstəqil Dövlətlərin təhsil liderlərini bir araya gətirməkdir. Tədbir iştirakçılar arasında təhsil sahəsində əldə olunmuş və texnologiya tərəfindən dəstəklənən bilik və təcrübələrin mübadiləsini, o cümlədən dünya təhsil liderlərinin strategiya, siyasət və praktikasına dair təkliflərini özündə cəmləşdirəcək.

( Ətraflı oxuyun )

Press-reliz: Qafqaz Universiteti və SİNAM şirkəti Azərbaycanın İKT sektoru üçün kadrların hazırlanması sahəsində əməkdaşlıq haqqında razılaşma imzaladılar. Razılaşmanı Qafqaz Universitetinin rektoru Ahmet Saniç və SİNAM şirkətinin prezidenti Elçin Əliyev imzaladılar.
Bu razılaşma 2008-2012-ci illərdə Azərbaycan Respublikasında təhsil sisteminin informasiyalaşdırılması üzrə Dövlət Proqramının və Azərbaycan Respublikasında rabitə və informasiya texnologiyalarının inkişafı üzrə 2010-2012-ci illər üçün Dövlət Proqramının prinsiplərinə (Elektron Azərbaycan) uyğundur. Razılaşma çərçivəsində SİNAM şirkəti müəllimlərin İKT sahəsindəki ixtisaslarının artırılmasında universitetə dəstək göstərəcək, İT-ixtsaslı tələbələrin şirkətdə təcrübə keçmələrini təşkil edəcək, müxtəlif istiqamətlər, o cümlədən təhsilin idarəolunması sisteminin tətbiqi (Learning Management System) üzrə ali məktəbə texniki dəstək göstərəcək, istedadlı məzunların şirkətdə işləmələrini təmin edəcək və s.

( Ətraflı oxuyun )

Azərbaycanda ilk dəfə Sosial Yeniliklər Düşərgəsinin (SYD) keçiriləcəyi barədə məlumat verilmişdi. Təşkilatçıların bu tədbiri keçirməkdə məqsədi ideya müəlliflərini ideyanın həyata keçirilməsinə yardım edəcək insanlarla, reallaşdırmaq qabiliyyətli insanları ideya müəllifləri ilə görüşdürmək və onların bir komandada işləməsini təmin etməkdir. Daha əvvəllər Böyük Britaniya, Slovakiya, Koreya, Avstraliya, Gürcüstanda keçirilmiş bu düşərgə Azərbaycanda ilk dəfə 18-19 sentyabrda Novxanıda AF Hotel-də keçirildi.

( Ətraflı oxuyun )

Bir neçə gün öncə twitter-də yazmışdım ki, bundan sonra Cavablar.net sual-cavab bazası müntəzəm olaraq e-jurnal şəklində də hazırlanıb internetdə yerləşdiriləcək. Artıq ilk say hazırdır. İlk sayda dizayn və mətn korrektliyi üzərində ciddi iş aparılmayıb, növbəti saylarda bu xüsusa da diqqət yetiriləcək. Əsas məqsəd sual və cavabları daha kompakt formada təqdim etməkdir.

50 sual 50 cavabı özündə ehtiva edən ilk sayı buradan yükləyə bilərsiniz.


( Ətraflı oxuyun )

Bir neçə gün öncə saytımızda Sosial Yeniliklər Düşərgəsinin gəlməsi barədə xəbər yerləşdirilmişdi. İndi istəyirik Sosial Yeniliklər Düşərgəsinin nə olması barədə Sizi məlumatlandıraq.

Müasir dünyada biz insanların ehtiyacını və problemlərini nəzərə almaqla onların tələbatına cavab verəcək texnologiyalar yarada bilərik. Sosial Yeniliklər Düşərgəsi bu texnologiyaların formalaşdırılması məqsədi ilə rəqəmsal dünyada yeniliklərin internet üzərində tətbiq olunması ilə problemlərin həllinə yönəlmiş bir təcrübədir. Bu düşərgədə hansısa sosial problemlərə qarşı olan, eləcə də bu problemi veb alətlər əsasında həll etməyə hazır olan insanlar şəbəkə şəklində birləşib, rəqəmsal alətlərin köməyi ilə, problemə yeni həll yolu axtarırlar. Yeniliklərin rəqəmsal alətlər vasitəsilə həyata keçirilməsinin əsas səbəbi bu vasitələrin nəticəyə çatma prosesini asanlaşdırmasıdır. Burada insanlar konkret nəticə üçün çalışırlar və bütün bunlar cəmisi 48 saat içində baş verir. Düşərgənin ictimai rolu ondan ibarətdir ki, problemlərin həlli dövlət və digər qurumların üzərindən sadə əhali üzərinə yönəlir və problemlərin həlli prosesinə insanlar öz töhfələrini vermiş olurlar. Belə olan halda internet yeni xüsusiyyətlərə malik olmaqla bəzi problemlərin həllinə daha effektiv töhfə verəcək. Bratislavada və Tbilisidə keçirilən analoji tədbirlərdən sonra bu ideyanı Azərbaycanda da həyata keçirmək qərarını verdik.

( Ətraflı oxuyun )

2 il yarım öncə AzNetdə «BarKamp» sözünə rast gəlməyə başladıq. Bu söz ilk dəfə Azərbaycanın BarCamp Baltics (8-10 fevral, 2008, Riqa, Latviya) tədbirində iştirakından sonra aktuallaşmışdı. Bu hadisə İKT dünyasında çox maraq çəkən hadisə olmuşdu və 1news.az informasiya agentliyi bu haqda «Азербайджан был представлен на конференции специалистов ИТ и Новых Медиа в Риге» başlıqlı xəbər yerləşdirmişdi. Bundan sonra 2 yerli BarKamp Azərbaycan («BarKamp Lənkəran 2008» və «BarKamp Gəncə 2009»), «BarCamp Caspian» və «KörpüKamp» keçirildi.
İndi isə daha maraqlı bir formatda İKT tədbiri — Sosial Yeniliklər Düşərgəsi ölkəmizdə baş tutacaq. Bratislavada və Tbilisidə keçirilən analoji tədbirlərdə Azərbaycanlıların iştirakından sonra bu tədbirin Azərbaycanda keçirilməsi zərurətini hiss etdik və işə başladıq.

Sosial Yeniliklər Düşərgəsi nədi? Nə vaxt olacaq? Harada? Gözdə qulaqda olun! Yaxınlarda biləcəksiz! :)