Facebook yeni profil sisteminə keçdi.
Yeni profilə keçib sınamaq üçün bu keçiddən istifadə etmək gərəkdir — www.facebook.com/about/profile/

Təxminən hər 12 nəfərdən biri Facebooka üzvdür. 500 milyon adam ayda 700 milyard dəqiqəsini bu saytda keçirir.
Mark Zuckerberg Facebookun 500 milyon istifadəçiyə çatdığını açıqladı. Zuckerberg bu müvəffəqiyyəti Facebooka əlavə olunan "hekayələr" hissəsiylə qeyd etdi. İlk əvvəl də öz hekayəsini paylaşdı. Bundan iki il əvvəl 100 milyon istifadəçisi var idi. 5 ay əvvəl isə 400milyon istifadəçiyə sahib idi. 300 milyondan 400 milyona gəlməsi də 5 ay zaman almışdı. Saytın istifadəçi hədəfi isə 1 milyar istifadəçidir. Artıq istədiklərinin yarsını əldə ediblər.
Sayt üzərində Azərbaycandan olduğunu seçən 184 min insan var. Təqribi isə 200minə yaxın Azərbaycanlı olduğunu demək olar. Xüsusən də son zamanlarda şəbəkə üzərində istifadəçilər kəskin çoxalıb. Bir neçə ay bundan əvvəl (təqribən aprel ayında) 140 min səviyyəsində olan Azərbaycan istifadəçiləri artıq 184 mindən artıqdı.

Rəqiblərə baxıldığında Myspace.comun 100 milyonlarda, Twitterin 200 milyonlarda, Linkedinin 105 milyonlarda gəzdiyini görmək olar.
Artıq Facebook üçün film də çəkilir.

Facebookda yüklü olan fotoşəkilllərin sayı ilə maraqlananlara bu ədədin 50 milyarda çatdığını bildirək.

Facebookda 500 milyon istifadəçinin 20 %-i subay, 16 %-i evlidir. Hər gün Facebook üzərində 400 min fəaliyyət (event) təşkil edilir.

Facebook istifadəçilərinin 350 milyonu isə ABŞ xaricində yaşayanlardan meydana gəlir.

Son 1 ayda internet bağlantısından yana üzümüz gülmür. Ofisdəki internet Streamdəndir və ara-sıra kəsilmələr ilə lap bezdirir. Evdə isə Bakinternetdir. Son zamanlara qədər elədə çox problem yaşamırdıq. Hərdən nəsə nasazlıq olurdu. Ancaq son zamanlar burada da tez-tez internet kəsintiləri olmağa başlayıbdı. Son 2 gündə isə lap qəribə problemlər olur. Bəzi saytların açılmağı günün müəyyən periodlarında açılmır. Məsələn Facebook.com, Yahoo.com, PHP.net kimi saytlara gah daxil olmaq mümkün olur, gah da heç açılmır. (php.net Yahoo serverlərində olduğundan eyni problem yaşanır) Sosial platformalar, Facebook və Twitter`də gördüyüm qədəri ilə Yahoo`ya daxil ola bilənlər isə e-mail`ə daxil olmaqda çətinlik çəkirlər. Mən də həmçinin yoxladım, həqiqətən çətin oldu. Ajax`la olan formasına daxil olmaq mümkün olmadı ancaq classic Yahoo mail açıldı.
Digər bir problem də Facebook`un bəzi provayderlərdə zəif işləməsidir. Bu zəifliyə görə də Facebook API`sindən istifadə etmiş saytlarında açılmağı ləngiyir. Məsələn Weboxu`da Facebookda edilən paylaşımların sayını göstərmək üçün API`dən istifadə etmişik deyə, Facebook`u zəif açan provayderlərdə Weboxu`nun açılmağında da ləngimə olur.
Başqa kim, hansı saytların açılmağında problemlərlə üzləşibdisə bölüşsə maraqlı olardı.