Bu yaxınlarda eşitdik ki, artıq Google öz enerji industriyasını qurmaq üçün icazə alıb. Bu gün öyrəndiyim bir xəbər isə böyük saytlar üçün enerjinin əslində nə qədər vacib olduğunu və Google`un öz addımında nə qədər haqlı olduğunu sübut edib. Beləki Facebook Oregon`dakı məlumat mərkəzini (data center) kömür ilə işlətməyə qərar verdiyini açıqlayıb. Görünür getdikcə böyüyən və xərcləri artan şirkət bu üsulla qənaət etməyi qərara alıb. Amma məsələnin başqa tərəfi də var, əgər Facebook`un nə qədər sürətlə inkişaf etdiyini və üzvlərini hər gün artırdığını nəzərə alsaq, böyük saytları necə sürətlə keçdiyini fikirləşsək, onda bu o demək olur ki, dünyadakı milyonlarla adamın istifadə etdiyi sosial şəbəkə xidməti eyni zamanda tonlarla karbon qazını atmosferə yayacaq.
Artıq internetdə bu qərarın əleyhinə imza toplanmağa belə başlanıb. Sizdə qərarın əleyhinə fikrinizi bildirmək istəyirsinizsə Change.org`dakı imza kampaniyasına qoşula bilərsiniz. Eyni zamandda məsələ ilə bağlı Mark Zuckerberg və əməliyyat şöbəsinin direktoru Jonathan Heileger`ə suallarınızı ünvanlandıra bilərsiniz. Kompaniya başlayanda məqsəd 7500 əleyhdarın imzasını toplamaq olub və baxanda gördüm ki, indi məqsəd 10 000 insana qədər yüksəldilib, çünki qısa müddət ərzində 7629 (indiki tarix: 24 fevral 2010) imza toplamağın öhdəsindən gəliblər.

Bu gün oxuduğum xəbərə mat-məəttəl qaldım :)



Google artıq elektrik enerjisini alıb-satmaq hüququnu əldə edib. Deyilənə görə indiki halda Google sadəcə özünü keyfiyyətli enerji ilə təmin etmək barəsində düşünür. Amma bazara satıcı olaraq girə də bilərlər çox yaxında.

Buradan ətraflı oxuya bilərsiz: news.cnet.com/8301-11128_3-10456435-54.html