Əgər hazırkı dinamika davam etsə, o zaman 2012-ci ilədək Internet Explorer səyyahının payı ilk dəfə olaraq 50%-dən aşağı düşəcək. Net Applications şirkətinin yeni məlumatlarına əsasən, son ay ərzində Microsoft korporasiyası səyyahının populyarlığı demək olar ki, 2% — 54,39%-dən 52,63%-ə qədər azalıb.

( Ətraflı oxuyun )

16 avqust tarixinə planlaşdırılmış rəsmi relizə qədər bir neçə gün əvvəl Mozilla-nın FTP serverində Windows, Mac və Linux üçün Firefox 6 səyyahının final versiyası yerləşdirilib. Firefox 5 ilə müqayisədə elə mühüm dəyişiklik yoxdur. İstehsalçılar iddia ediblər ki, yeni səyyah əvvəlki versiyalardan 20% daha sürətli işləyir.

( Ətraflı oxuyun )

2011-ci ilin ilk yarım ili arxada qaldı. Düşünürəm ki, ilk yarımildə dəyişənlər barədə bir qədər araşdırma etmək olar. Əslində hadisələri baş verdiyi ardıcıllıqla onsuz da yazırıq. Ancaq olanlar barədə bir qədər müqayisəli və ətraflı yazmaq da olar. Texnologiya dayanmadan inkişaf edir və 6 ay əvvəli ilə indiki zaman arasında təəccüblü statistik göstəricilər də rast gəlmək mümkündür. Hesab edirəm ki, ilin sonuna doğru da belə hallar olacaq. Əvvəl bu yazını bir başlıq altında yazmağı qərarlaşdırsam da, sonradan yazının gedərək uzanmağına görə, hissələrə bölmək qərarına gəldim.

( Ətraflı oxuyun )

Firefox 3.5, IE7 və Safari 3 növbəti brouserlərdir.

Keçən il Microsoftun veteran brouseri IE6-dan dəstəyini çəkən Google, bu səfər bir sonrakı nəsil brosuerləri hədəfə aldı.

1 Avqust tarixində Firefox 3.5, IE7 və Safari 3-dən dəstəyini çəkəcəyini açıqlayan Google, bu versiyalardan sonrakı versiyalara sahib brouserləri dəstəkləyəcək.
Google-un dəstək çəkmə səbəbi olaraq bir çox veb tətbiqinin köhnə brouserləri dəstəkləməməsi ehtimal edilir.

Opera, tablet cihazları üçün yeni browserini tanıdan video yayımlayıb.
2011də Tablet PC sayının artmasıyla birlikdə, təqribi sayının 54.8 milyona çatması gözlənilir. Mobil browser bazarında lider olan Opera tablet PC-lərə də gözünü dikir… Yeni browserin Android tabletdə tanıdıldığı videonu nəşr edən şirkət, yeni giriş səhifəsini və iki barmaqla yaxınlaşdırma xüsusiyyətini göstərir. Yəqin ki, iPad üçün də Opera Tablet reliz olunar. Lakin cihazda sınamaq üçün əlbəttə Android tablet daha əlverişlidir.
Şirkət, browserinin ilk ictimai təqdimatının CES 2011-də ediləcəyini gözlənilir.

Google öz browseri olan Chrome-u çox sürətlə update edir. Versiyalarını çox sürətlə yuxarı qaldırır. İllərin İE-si, Firefoxu heç bu qədər versiya yeniləmir. Hələki bu yeniləmələr öz müsbət nəticəsini verir. Araşdırma şirkətlərinin hesabatlarında həmişə bazar payını artıraraq davam etdiyini görmək olur. Növbəti stabil versiyası da 8-ci versiyadır. Bu stabil versiyada 800-ə qədər yeniləmə edilib. Xətalar barədə xəbər verən 5 nəfərə cəmi 4min dollar mükafat verilib. Yeni versiyada gözə çarpar əsas xüsusiyyətlət browserin daxili PDF reader-i və Chrome Web Store-dur. Chrome-un yeni versiyasına cavab olaraq FireFox 4 və Internet Explorer 9 -un stabil versiyaları çıxandan sonra rəqabətin əsas mərhələsi başlayacaq.

Dünyada browserlər cəbhəsində olduqca ciddi rəqabət gedir və bu çox bəyəndiyim haldır. Nəticə etibarı ilə, daha faydalı alətləri istifadə edə bilirik. Xüsusən Google-un bazara daxil olmağı rəqabəti bir az daha qızışdırdı. Sentyabr ayının nəticələri isə daha maraqlıdır. Uzun müddətdən bəri ilk dəfə Internet Explorer 50%-in altına düşdü. Hətta bu hal təkcə dünyanın ortalama istifadəsində deyil, Azərbaycan istifadəçiləri arasında da gerçəkləşdi.
Məlumatlar sahəsi üzrə olduqca tanınmış bir araşdırma şirkəti olan StatCounter-un açıqlamalarına söykənir.

( Ətraflı oxuyun )

Android üçün müxtəlif browserlər var. Hərəsinin də özünə görə xüsusiyyəti var. Onlar haqqında ümumi yazmaq istəyirəm. 4 browseri sınadım və nəticələri, xüsusiyyətləri haqqında bir az cızma-qara edirəm.
İlk olaraq əlbəttə Androidin öz default browserindən başlayım. Saytları açmaq sürəti yaxşıdır. Səhifələri olduğu kimi göstərir. Ümumi götürdükdə əgər internet bağlantısında problem və limit yoxdursa istifadə etmək olar. 4 browseri eyni vaxtda açdım, eyni sayta daxil oldum, 21 MB RAM-dan yeyirdi.

( Ətraflı oxuyun )

Gözləniləndən çox maraq görən chat xidməti ilə əlaqədar gələn şikayətlər Facebooku bezdirənə oxşayır.
Facebook-un daimi istifadəçiləri onun chat sistemindən də aradabir yararlanıblar. Siz də Facebook istifadə edirsinizsə, yəqinki siz də rastlaşmısınız. Facebook chatı stabil deyil və ara-sıra istifadəçi sistemdən kənarlaşır. Facebook chatını destkopda da istifadə etmək üçün proqramlar olmağına baxmayaraq ( Pidgin kimi ) hər kəs daha çox elə browserdən daxil olanda istifadə edir.

Şirkət xidməti ən yaxşı şəkildə təqdim etməyə çalışsa da hal-hazırda dünyada ən çox istifadə edilən ikinci browser olan İnternet Explorer 6a uyğunlaşdıra bilmədikləri üçün dəyişiklik edə bilmirdilər. Qərar IE6a artıq dəstək verməyəcək olan Facebook chat sistemini inkişaf etdirmək oldu.

IE6 istifadə edən lakin yenə də Facebookun bütün nemətlərindən faydalanmaq istəyən istifadəçilərə 15 Sentyabra qədər zaman verildi. Bu tarixdən sonra Facebook artıq IE6a dəstək verməyəcək.

Son zamanlarda browserlər arasında dəb halını alan bir məsələ sürətdir. Hər biri digərindən daha sürətli olduğunu iddia etmək üçün dəridən qabıqdan çıxır. Fikrimcə, browserləri «tərpənməyə» sövq edən FireFox olmuşdusa, sürət məsələsini də aktual edən Chrome oldu. İndi hamsı sürətləri olmaqlarını vurğulamaq üçün maraqlı yollara əl atırlar. Bu gün Opera-nın bir videosu haqqında oxudum. Yeni bir reklam videosu çəkiblər. (Artıq reklamları Youtube-da yerləşdirmək kifayət edir ki, böyük kütləyə çatsın, TV-ə ehtiyac qalmır).

( Ətraflı oxuyun )