Azərbaycanda bloqçular üçün daha bir fərqli və maraqlı tədbir ”Sumqayit Bloq Günü ” keçiriləcək. 3-4 Dekabr tarixində Qafqaz Universitetindən başlayacaq bu tədbirdə Bakı, Sumqayıt və eləcədə regionlarda olan bloqçular bir araya gələcəklər. Məqsəd isə birdir – Sumqayıt şəhərini İnternetdə tanıtmaq. Bu maraqlı günü qaçırmaq istəmirsinizsə tədbir ilə yaxından tanış olun, qeydiyyatdan keçin və bizə qoşulun!

Sumqayıt Bloq Günü tədbirinin əsas məqsədi ölkəmizin bloqçularını bir yerə toplayaraq İnternetdə və bloqlarda Sumqayıt haqqında maraqlı yazıların artmasına kömək etməkdir. Bloq günü tədbirinin məhz bu şəhərdə keçirilməsi heç də təsadüfi deyildir – Sumqayıt Ölkəmizin ən gənc və dinamik inkişaf edən şəhərlərindən biridir.

( Ətraflı oxuyun )

Azərbaycanda son illər ərzində Facebook sosial şəbəkəsinin üzvləri durmadan artmaqdadır. Bunun əlbəttə ki, bir çox müsbət cəhətləri olsa da, mənfi cəhətləri də var. Xüsusən Facebook-un geniş yayılmasından sonra milli kontentimizin inkişafına bəzi istiqamətlərdə mənfi təsirini görmək mümkündür:

1. Forumların azalması. Azərbaycanda cəmi bir neçə il öncə kifayət qədər aktiv forum var idi və Google-da nəsə axtaran zaman daha əvvəl bir çoxlarının artıq bunu hansısa forumda soruşduğunu və bizim üçün də yarayacaq cavabı aldığının şahidi ola bilərdik. İndi isə insanlar adətən bunu öz Facebook statuslarında və ya müvafiq Facebook səhifələrində və qruplarında soruşub cavab tapırlar. Lakin məlumdur ki, daha sonra eyni sual kimdəsə yaranarsa, o həmin cavabdan istifadə edə bilməyəcək, çünki Google-da axtarış zamanı Facebook-dakı yazışmalar çıxmır və axtaran adam daha əvvəl həmin suala verilmiş cavabı görməyəcək. Eləcə də müxtəlif müzakirələrin forumlarda yox, Facebook-da aparılması Azərbaycandilli forumların zəifləməsinə səbəb olur.

2. Bloqların lazımi sürətlə artmaması. Bloqların sayı Azərbaycanda artsa da, qeyd etməliyik ki, bir çox hallarda Facebook-da qeyd (Note) funksiyası istifadəçiləri şəxsi bloqlarını yaratmaqdan daha çox onu elə çox asanlıqla Facebook hesabları ilə qeyd şəklində yazaraq paylaşmağı üstün tuturlar. Facebook-da qeyd funksiyası olmasaydı, bloqlarımızın sayı daha sürətlə artardı. Bu tipli yazıların bloqda yazılması həm də ona görə faydalıdır ki, hamı üçün baxmaq imkanı var və Google-da axtarışlar zamanı nəticələrdə görünür.

( Ətraflı oxuyun )

Press-reliz: Mobil Media Birliyi və “Dan” BGİB 14-15 yanvar 2011 tarixlərində bloqçular üçün təlim təşkil edəcək. Təlimə artıq ilkin bloqçuluq barədə məlumatı olan və müəyyən qədər bloqçuluq təcrübəsi olan insanlar seçiləcək.
2 günlük təlim boyu iştirakçılar
— Bloq haqqında ümumi anlayış və onun növləri;
— Bloq yaratma prinsipləri;
— Bloq yazılarının texniki təkmilləşdirilməsi üçün vasitələr;
— Bloqların adaptasiyası;
— Bloqların məşhurlaşdırılması;
— Bloqdan qazanc;

( Ətraflı oxuyun )

“Gənc Bloqçular Şəbəkəsi” layihəsi sosial bloq yazıları müsabiqəsi elan edir. Məqsədi gənclər arasında sosial bloqçuluğu inkişaf etdirmək olan bu müsabiqədə bütün bloqerlər iştirak edə bilər. Yazıları təcrübəli bloqçu və yeni media mütəxəssislərindən ibarət münsiflər heyəti qiymətləndirəcəkdir. Müsabiqənin ümumi mükafat fondu 700 AZN təşkil edir.

Mükafatlar:

I yer 200 AZN
II yer 150 AZN
III yer 100 AZN
IV-VIII həvəsləndirici yerlər hər biri 50 AZN.

Müsabiqəyə 1 oktyabr – 10 dekabr 2010-cu il saat 23:00-a qədər yazılmış bloq yazıları qəbul olunur. Müsabiqəyə istənilən bloqda və ya sosium.com saytında yazılmış və qaydalara cavab verən bütün yazılar təqdim oluna bilər.

Maraqlananlar müsabiqə ilə bağlı bütün suallarınızı yazyay@gmail.com ünvanına yaza bilərlər.

Qeyd etmək istərdik ki, “Gənc Bloqçular Şəbəkəsi” layihəsi Counterpart International təşkilatının icra etdiyi ABŞ Beynəlxalq İnkishaf Agentliyinin (USAID) Vətəndaş Cəmiyyəti layihəsi çərçivəsində maliyyələşdirilir və Gənc Bloqçular Koalisiyası tərəfindən icra olunur.

Sentyabr ayından etibarən “Gənc Bloqçular Şəbəkəsi” fəaliyyətə başlamışdır. Bu layihə çərçivəsində 5 ay müddətində regionlarda seminarlar, təlimlər və digər müxtəlif tədbirlər keçiriləcəkdir. Gənc Bloqçular Şəbəkəsinin məqsədi Azərbaycan regionlarındakı aktiv gəncləri sosial bloqçuluğa cəlb edərək öz fəaliyyətlərində, ictimai həyatda, sosial məsələlərin işıqlandırılmasında İnternet, Yeni Media vasitələrindən daha geniş və effektiv istifadəyə cəlb etməkdir.

Oktyabr ayında keçiriləcək seminarların siyahısı ilə tanış ola bilərsiz.

( Ətraflı oxuyun )

Yəqin ki, bu sahədə maraqlanan hər birimiz üçün sual olar ki, bu gün bir çoxlarımızın yaratdığımız bloqlar hardan ortaya çıxdı, bunu kim ərsəyə gətirdi, bu nə üçündür və s...?! Hələ 1994-cü ildə internet aləmində ilk gündəlik dünyaya gəlir. Bu gündəliyin sahibi tələbə olan Castin Xoll (Justin Hall) idi.

AEGEE-Bakı Avropa Tələbələr Forumu təşklilatı tərəfindən həyata keçirilən “YazYay Məktəbi” çərçivəsində iyun ayında “Sosium” sosial bloq yazıları müsabiqəsi keçiriləcəkdir. Müsabiqənin məqsədi gənclər arasında sosial bloqçuluğu inkişaf etdirmək, onların yazı və yaradıcılıq qabiliyyətlərini artırmaqdır. Müsabiqə açıqdır və bütün blogerlər iştirak edə bilər.

Yazılar müəlliflərin öz bloqlarında və ya www.sosium.com saytında yerləşdirilə bilər. Müsabiqənin münsiflər heyəti yeni media və jurnalistika sahəsində tanınmış şəxslərdən ibarətdir. Yazıların qiymətləndirilməsi zamanı yazılara məhz bloqçuluq tərəfdən düzgün yanaşmağa, işıqlandırılmış məsələnin reallığına

( Ətraflı oxuyun )

Salam!
Azərbaycanda hələ birdənədə gənclərin narkotiklərlə bağlı marifləndirilməsi, narkotiklərin və psixantop maddələrin ziyanlılığı barədə heç bir resurs tapmamışam :(

Dedim nə olar, yoxdu, mən birinci yaradaram!

İndidə VordPresdə stop-narkotik.com ünvanında bir bloq tipli sayt yaratmışam (hayıf Netty-ə çatmadım). Gənclərimizi marifləndirmək üçün sizlərdəndə köməklik istəyirəm. Qarşıdan gələn ayda Allah qoysa narkotiklərin ziyanı haqqında məqalələrdə əlavə edəcəyəm. Sadəcə mən təkəm və işçi qrup axtarıram.

Volontyor olaraq mənə kömək etmək istəyənlər olsa admin@stop.narkotik.com və yeni-keyat@bk.ru elektron poçtlarına mənə yaza bilərlər! Diqqətiizə görə çoxsağolun.

Avropa Tələbələr Forumunun “YazYay Məktəbi” layihəsinin komandası Bloqlar haqqında başlanğıc biliklərə aid təlimlərdən sonra daha birbucür təlimlərin keçirilməsinə hazırlaşır. Çoxlarına məlum olduğu kimi bu təlimlər tələbələr, bloq yaratmaq və yazmaq istəyənlər, gənc jurnalistlər üçün əla bilik mənbəyidir. Təlimlərə qatılmaqla siz bloqun nə olduğunu, bloq yazmağın nəyə lazım olduğunu, idarə olunmasını, məşhurlaşdırılması, oxucuların cəlb edilməsi, bloqdan qazanc əldə etməyin yollarını öyrənə bilərsiniz.

( Ətraflı oxuyun )

AEGEE-Bakı Avropa Tələbələr Forumu 2Y “Yaz-Yay Məktəbi” Yeni media və İnternet haqqında təlimlər layihəsinə davam edir.

İlk təlim Bloq yazmaq istəyən, Bloqer olmaq istəyən gənclər, tələbələr və gənc jurnalistlər üçün nəzərdə tutulmuşdur.
Üç günlük təlim ərzində öyrənəcəksiniz:

* Bloq nədir? Nə üçün YAZmaq lazımdır?
* Bloq YAZmaq (post növləri, nə yazmalı, necə yazmalı və necə yerləşdirməli)
* Məşhurlaşdırmaq və YAYmaq (oxucuların cəlb olunması)
* Bloqun idarə olunması (istifadə rahatlığı, funksionallıq, əks-əlaqə)
* Bloq yaratmaq (prinsiplər, ad seçimi, platforma seçimi, )
* Bloqdan qazanc (Kim qazanır? Nə və necə qazanır?)


( Ətraflı oxuyun )