Sentyabrın əvvəlində Azertelecom-un fəaliyyəti və Optik Kabelin çəkilməsi ilə bağlı post yazmışdım. Artıq bu gündən mən də bu provayderin istifadəçisiyəm.
Onu qeyd edim ki, hələki ödəniş tələb olunmur. Bir növ biz alfa testerlərik. İstədikləri istifadə etməyimiz və hər hansı bir problemlə qarşılaşdıqda zəng edib bu barədə məlumat verməyimizdir.
Çəkiliş prossesində də əməkdaşlardan xeyli razıyam. İşlə əlaqədar həftə içi çəkiliş üçün sabit bir zaman deyə bilmədiyimdən, istirahət günü gəlib çəkdilər.

( Ətraflı oxuyun )

ADSL xidmətini seçərkən əsas 2 parametrə diqqət yetirmək lazımdır – qiymət və sürət. Provayderlərin qiymətlərini asanlıqla Yoxla.azda müqayisə edə bilərsiniz. Lakin sizin nəticədə aldığınız sürət, provayderin göstərdiyi maksimal sürət olmaya bilər.

ADSL-in bir neçə standartı mövcuddur. Bunlardan ən geniş istifadə olunanları:

ADSL – maksimal 8 Mb/s
ADSL2 – maksimal 12 Mb/s
ADSL2+ – maksimal 24 Mb/s

Azərbaycanda demək olar ki bütün provayderlər ADSL2+ dəstəkləyir. Lakin, əgər siz ADSL2+ sürətindən faydalanmaq istəyirsinizsə, modeminiz ADSL2+ dəstəkləməlidir.

( Ətraflı oxuyun )

Internet Provayderlərin sürətləri barədə məlumat verən Yoxla.az saytı, blogunda yeni bir araşdırma yazıb. SpeedTest statistikalarının nəticələrinə görə hazırlanmış yazıda ortalama sürət və provayderlərin sürətlərinin ortalama həddi qeyd edilib:
“SpeedTest” testləri əsasında formalaşdırılan “NetIndex” reytinqində Azərbaycan 106-cı yerdədir. Bu məlumat 24 Sentyabr – 23 Oktyabr müddətində toplanılmış 300.000-dən çox testlərin əsasında formalaşdırılıb.

Ölkə üzrə ortalama sürətlər aşağıdakı kimidir:

Endirim sürəti (download) – 2.78 Mb/s
Yükləmə sürəti (upload) – 0.92 Mb/s


( Ətraflı oxuyun )

Bir qədər əvvəl yeni Backbone haqqında məlumat vermişdim. Belə görünür ki, Azertelecom end userlərə də satış edəcək. Yəni yəqin ki, yaxında onun qiymətlərini də yoxlaya biləcəyik.
Hələ Azertelecom-un saytı işlək vəziyyətdə deyil, hələki hazırlanma mərhələsindədir. Ona görə də saytdan provayder haqqında ətraflı məlumat almaq olmur.
Backbone-nun end userlərə xidmət göstərəcəyini isə bu gün öyrəndim. Azertelecom-un nümayəndəsi evlərə gəlib bu servis barədə məlumat verirdi. Belə aydın oldu ki, binanı Azertelecom xəttləri ilə artıq təchiz ediblər. Evlərə də bu ayın sonları, gələn aydan internet xətti çəkə biləcəklər. Nümayəndənin dediyinə görə, 20Mb/s sürət cəmi 29 AZN olacaqmış. Üstəlik də limitsiz trafiklər. Üstəlik 20Mb/s sürət təkcə download yox, həm də upload sürətini də verəcək. Beləliklə bu yeniliklə birgə internet qiymətləri çox kəskin şəkildə düşə bilər. İndiki halda mən 30 manata istifadə etdiyim paketdən 10 dəfə daha sürətli və həqiqi deyilən sürətdə internet ala bilərəm. Hesab edirəm ki, əgər nümayəndənin dediklərinin hər biri real olsa, bu internetimizdəki növbəti dönüş nöqtələrindən ola bilər.
Bəlkə də son zamanlardakı qiymət endirimləri hələ davam edəcək. Bu hələ başlanğıc idi. Bir də bundan sonra Delta Telecom-un bir xeyli düşünməsi lazım olacaq. Çünki, mən artıq yeni provayderin rəsmi fəaliyyətə başlamasını gözləyirəm. 20Mb/s sürət istər-istəməz cəzb edir.

Azərbaycan internetində yeni mövsüm internet qiymətlərinin endirimləri başlayır. İnternet endirimləri olaraq deyilsə də, bunlar bir növ sürətlərin qaldırılmasıdır. Yəni məsələn əvvəllər eyni qiymətə 1mbps almaq mümkün idisə, artıq 2mbps almaq mümkün olacaq.
Bu barədə internet provayderlərinin qiymətlərini yoxlamaq üçün olan servis Yoxla.az-ın da blogunda məlumat verildi.
Sitat:

( Ətraflı oxuyun )

2011-ci ilin ilk 6 ayı ilə bağlı bəzi statistikaları paylaşmışdım. Google docs-da yığışmış bununla bağlı növbəti məlumatları da indi yerləşdirim.

Düşünürəm ki, gələn aylardan, elə bəlkə də 2011-ci ilin sonuna aid olan yazılarda ötən illərə nisbətdə bir çox məqam dəyişmiş olacaq. İnternet bağlantılarımızı gerçəkləşdirən şirkətlərdə, bağlantı tiplərimizdə müəyyən dəyişikliklər görə bilərik.
Ehtimal olunur ki, 3G lisenziyası artıq digər operatora da verilsin. Hərçənd bununla bağlı indiyənə qədər bir çox müxtəlif xəbərlər yayılır. Gah operatorların sənədlərinin düzgün olmadığı, gah onlardakı texniki çatışmamazlıqlar əsas gətirilərək lisenziyanın verilmədiyi deyilirdi. Ümumiyyətlə son günlərdə mediada bu barədə bir çox xəbərlər gedir. Sonuncu belə xəbərdə isə nazir Əli Abbasovun fikirlərinə yer verilir.

( Ətraflı oxuyun )

AİF tərəfindən sentyabr ayı ərzində ölkədə internet xidmətinin keyfiyyəti ilə bağlı aparılan Monitorinq və araşdırmanın növbəti mərhələsi başa çatıb. Monitorinq müddətində ölkədə internet trafikdən istifadə üzrə vəziyyət, konkret provayderlər üzrə bu xidmətin keyfiyyəti və ADSL istifadəçilərin artım tempi araşdırılıb.

Monitorinqə 01 sentyabr 2010-cu il tarixdə, Delta Telekom şirkəti tərəfindən Provayderlərə satılan internetin qiymətinin 2 dəfə endirilməsindən sonra start verilmişdi. Bu qiymət endiriminin kifayət qədər əhəmiyyət daşıması baxımından gözləmək olardı ki, ölkədə internetin keyfiyyəti xeyli yaxşılaşacaq və ADSL istifadəçilərin sayı artacaq.

( Ətraflı oxuyun )

Artıq bir neçə gündür ki, bir neçə internet provayderləri vasitəsi ilə ADSL qoşulmalarını ayrı-ayrı ünvanlarda həyata keçirirəm. Və bu qoşulmalarda məqsədim: Həqiqətən mi provayderlər abonentlərin ünvan və qeo-lokasiyasının qeydiyyatını aparır ya yox? sualına cavab tapmaqdır. Mobil telefonlarda A-GPS və Antenaların yerləşməsi ilə abonentin yerləşdiyi yeri təyin etmək olur (GPS yoxdursa). Əlvəllər isə stasionar rabitə xətlərində öz yerləşməni sorğulayanda provayderin yerləşdiyi ünvan tapılırdı. Hal-hazırda isə provayderlər dahada irəli gedib və abonentin kordinatlarını belə (çox böyük dəqiqliklə) qeydiyyatdan keçiriblər (Kim üçün? MTN ;) )
Ən asan yolu, Brauzerinizi açın, maps.google.com ünvanına daxil olun və orada «My Location» («Моё местоположение») düyməsinə basın və öz evinizin dəqiq koordinatını tapın.
Bütün ADSL abonentlərindən bu əməliyyatı edib, nəticəni burda bölüşməsini xaiş edirəm. Mən artıq 7 ünvanda və 3 provayder ilə bunu etmişəm və 5 ünvan çox dəqiq, 2 isə 200 metr yalnışlıqla tapılıb.
Siz istərdiniz mi sizin yerləşmə koordinatınız provayder yaxud digər şəxs, qurum yaxud şirkət tərəfindən bilinsin?
Düzdür, sorğulama zamanı Brauzer «Google Maps»in bizim yerləşmşni soröulayır vı biz sorğuya rədd cavabıda verə bilərik, amma razılıq zamanı, informasiya provayderdən alınlr…

Təklifləriniz?

Provayderlərimizin ADSL xidmətlərinə həsr olunmuş sorğunun nəticələrini bu gün açıqladıq. Bu sahədəki real vəziyyəti qiymətləndirmək məqsədilə keçirdiyimiz sorğuda 400-dən çox abonent iştirak edib.

28 aprel 2010 –cu il tarixdə AİF tərəfindən mətbuat konfransı keçiriləcək.

Mətbuat Konfransında ölkədə İnternetin keyfiyyəti ilə bağlı vəziyyət haqqında AİF və Parketinq.com saytının birlikdə həyata keçirdiyi sorğunun nəticələri açıqlanacaq.

Sorğu müxtəlif Provayderlərin müştəriləri olan 400-dən çox ADSL istifadəçisi arasında keçirilib.

Respondentlərə internetin sürəti, qırılmaların vəziyyəti, qiymətlər, müştəri xidmətlərinin fəaliyyəti ilə bağlı suallar verilib.

Sorğuda iştirak edənlər həmçinin ADSL xidməti əldə etmək üçün müraciətlərinin hansı müddətdə reallaşdığına, öz provayderlərinin seçimini nəyin əsasında etdiklərinə də münasibət bildiriblər.

Mətbuat Konfransı 28 aprel 2010-cu il tarixdə, saat 12.00 -da Azərbaycan Media Mərkəzində keçiriləcək. ( Ünvan: D. Əliyeva k 218., 493-25-22)