ACM-in Bakı Dövlət Universiteti bölməsinin növbəti tədbiri JAVA ilə obyekt yönümlü proqramlaşdırmaya həsr olunub. Tədbirdə ACM üzvlüyünə aid olan kurslardan birinin nümayişi ediləcək və nümayişdən sonra mütəxəssislər iştirakçıların suallarını cavablandıracaqlar.


Tədbir 24 dekabr 2011-ci tarixində saat 13:30-da, Bakı Dövlət Universitetinin yeni tədris korpusunda, Koreya İnformasiya Mərkəzində baş tutacaq. Ətraflı məlumat üçün Facebook səhifəsindən məlumatlana bilərsiniz.

Xatırladaq ki, ACM Student Chapter — Baku State University 2011-ci ilin May ayından fəaliyyətə başlayıb.

ACM-in açılışı Association for Computing Machinery, tərcümədə Hesablama Texnikası Assosiasiyası mənasını verir. ACM-in yaranma tarixi 1947-ci ilə yəni təqribi olaraq ilk elektron hesablama maşınlarının yarandığı tarixlərə təsadüf edir.

ACM haqqında bir neçə fakta nəzər salaq:

• İT sahəsində ən yüksək mükafat olan Türinq mükafatını da məhz ACM təşkilatı təltif edir, buna bəzən İT sahəsinin Nobeli də deyirlər.
  


• Kompüter Elmləri, Kompüter Mühəndisliyi, İnformasiya Sistemləri, Proqramlaşdırma mühəndisliyi sahələrində bakalavr və magistr pilləsi üçün kurrikuluma tövsiyyələri məhz ACM və İEEE təşkilatları tərtib etmişlər.


• Tələbələr arasında ICPC (International Collegiate Programming Contest) müsabiqəsini keçirən təşkilat da məhz elə ACM-dir.

( Ətraflı oxuyun )