Əvvəla onu deyim ki, bu weboxu-da ilk yazımdır. Bilmirəm necə başlıyım :D
Bu yazımla bir müddət bundan öncə ilk versiyasını hazırlayıb başa çatdırdığım bir sistemi tanıtmaq və ona münasibəti öyrənmək istəyirəm. Ona görə istərdim ki, müəyyən qədər sistemin nə iş gördüyünü deyim. Deməli adından da göründüyü kimi, bu proqram istifadəçilərin köməkçisi yerindədir, belə ki, proqram hələki(sonrakı versiyalarında inkişaf etdiriləcək) dört hissədən ibarətdir. Bunlardan əsası AvtoTəbrik bölməsidir, digərləri isə Bakcell, Azercell və Xəbərlər -dir.
— Xəbərlər bölməsində dört məşhur xəbər saytından son xəbərləri oxumaq mümkündür.
— Bakcell və Azercell bölmələrində isə istifadəçilər pulsuz mesajlar göndərə bilərlər. Qeyd edim ki, pulsuz mesajlar Azercell və Bakcell -in veb saytlarında göstərdikləri xidmət əsasında realizə edilmişdir.
— Əsas bölmə olan AvtoTəbrik bölməsində isə istifadəçilər doğum günlərini avtomatik təbrik edə bilərlər. Bunun üçün onlar, avtomatik təbrik etmək istədiyi insanların mobil nömrəsini, doğum günü tarixini və uyğun mesajı yazmalıdırlar. Bundan sonra istifadəçi heç bir şey etmir hər şeyi sistem özü edir. Doğum gününə bir gün qalmış sistem istifadəçiyə xəbərdarlıq sms -i göndərir və doğum günü çatanda uyğun mesajı uyğun nömrəyə göndərir. Qeyd edim ki, bu sms -lər pulsuz göndərilir və Bakcell istifadəçilərində mobil telefon necə proqram da elə göndərir, lakin Azercell istifadəçilərində veb mesaj olduğu bilinir.

Proqramın qurucusunu(installer) aşağıdakı linklərdən yükləmək mümkündür:
— kompyuterinizdə .Net Framework 3.5 artıq varsa
— kompyuterinizdə .Net Framework 3.5 və ya daha yenisi yoxsa

Axşamüstü tezbazar SMS göndərmək üçün Azercell-in Webmesaj səhifəsinə daxil oldum. SMS-i göndərəndən sonra, "Ödəmələr" bölməsinə keçdim. Ən sonuncu ödəmə tarixini görəndə, bir az çaşdım. Çünki göstərilən tarixdə mən balansa kontur yükləməmişəm. Ən maraqlısı isə, son ödənilən kontur sayı idi. Şəkildən gördüyünüz kimi, sıfır kontur.

Tənbəllik eləməyib 2002-yə zəng etdim. Operator cavab verdi, bu haqda ona məlumat verdim. «Gözləyin» deyib, hardasa 3 dəqiqəlik fasilədən sonra (arada «siz gözləyirsiz də, hə?» — deyə soruşdu), bu problemin texniki səhv olduğunu, həmin tarixdə balansıma heç bir konturun yüklənmədiyini dedi. İstədim deyəm, narahat olmayın, orda samballı bir ədəd yazılmayıb ki, sıfırdır da :)) Nəysə, operatorla sağollaşdım.
Nədənsə harda belə əcaib «texniki səhv»lər var, Azercell-dən çıxır. Saat 18:30-da onlara məlumat verməyimə baxmayaraq, «texniki səhv» hələ də öz yerində durur. Sonuncu ödəmənin səhv məlumat olduğunu nəzərə alsaq, demək başlıqda yazıldığı kimi, «son üç ödəmələrim barədə məlumat»ı orda görə bilmirəm.

Artıq bir neçə vaxtdır ki, Azercell Webmesajcell xidmətində təkmilləşdirmələr edibdi. Əvvəl belə idi ki, gün ərzində Azercell abonentlərinə 10 pulsuz SMS yollamaq olurdu. Ancaq dəyişiklikdən sonra bir neçə daha əlavələr olubdu. Belə ki, artıq ölkədaxilində bütün mobil operatorlar istiqamətində 100 ödənişli mesaj göndərmək imkanı var. Mesajı yollayırsan və səndən kontur çıxırlar. Mənfi hal isə elə məhz buradadırki, kontur çıxanda nə səbəbdən çıxdığı yazılmır. Uzun-uzadı reklamdansa çıxan konturun səbəbi də yazılsa yaxşı olardı. Çünki kimsə sizin parolunuzu oğurlayıb özü üçün Webmesaj yollasa sizdən təkcə konturlar çıxacaq. Bilməyən adam da elə Azercell`i günahlandıracaqdıki durduq yerdə məndən konturlar çıxılır. Fikrimcə yaxşı olardıki bu barədə kontur çıxanda, istifadə səbəbidə yazılsın. Səhv etmirəmdə əvvəldən elə MMS xidməti də belədir, konturun çıxma səbəbi yazılmırdı. Ancaq bu Webmesaj daha çox istifadə edilir.
Başqa bir mənfilik isə Webmesaj`ın parolu xatırlatmaq hissəsindədir. Bu problem də çoxdan bəridir var. Ancaq hələdə düzəltmirlər. Girib sadəcə nömrəni yazırsan və parolu telefon nömrəsinə yollayır. Bu təhlükəsizlik cəhətdən yaxşı prosses deyil. Telefon nömrəsindən savayı captcha da istəməlidir parolu xatırlatmaq üçün. Elə təhlükəsizlik cəhətdən yazmaq istəmirəm ki, niyə lazımdır bu captcha. Qısa zamanda buraya bir captcha mütləq lazımdır.