Flickr foto paylaşım saytına 6 milyardıncı foto yüklənib. Yüklənən foto barədə Flickr rəsmi blogundan məlumat verib.
Fotoya artıq 14 mindən çox baxılıb. Ümumilikdə Flickr hər il əvvəlki ilə nisbətən 20% böyümə əldə edir.
Bu say Flickr üçün uğur sayılsa da, rəqibləri ilə müqayisədə hələ də geridə qalır. Xüsusi ilə Facebook-un yüksəlişindən sonra Flickr daha çox professional fotolar üçün məkana çevrilib. Digər tərəfdən Flick-ın digər sosial şəbəkələrlə inteqrasıyanı sevməməsi ondakı foto sayının az olmasına gətirib çıxarır.
Rəqiblərə nəzər yetirsək, Facebook istifadəçiləri 2011-ci ilin Fevral ayı etibarilə 60 milyard fotoşəkil yükləmişdi, gündə əlavə olunan fotoşəkil sayı isə təqribi 100 milyondur. Eyni dövrdə Photobucket 8 milyard, Picasa isə 7 milyard fotoşəkilə çatmışdı. Qeyd edək ki, Picasa saytı Google məhsuludur. Photobucket isə Twitterlə razılaşma əldə edərək, rəsmi foto paylaşımları bu sistem üzərindən təqdim edəcək.
Flickr isə Yahoo-a aiddir. Yahoo, Flickri dəstəkləməyə və bazar payının böyüməsi üçün kömək etməyə davam edəcəyini ifadə edir.

Google-un blog servisi Blogger və foto servisi Picasa adları dəyişiləcək. Blogger — Google Blogs, Picasa isə Google Photos adlanacaq. Bu barədə Mashable məlumat verir.
Beləliklə Google-un iki məşhur brendi daha da çox istifadə ediləcək deyə düşünülür. Beləliklə onlar Google Plus-a daha sıx inteqrasiya olacaqlar.
Youtube-un isə Google adı ilə birləşməsi gözlənilmir. Çünki, may ayında Google Video servisi bağlanmış və YouTube vahid video kanalı olmuşdu.
Bəhsi keçən dəyişikliklərin yaxın həftələrdə edilməsi gözlənilir.
Google tərəfindən isə mövzu ilə bağlı rəsmi təkzib və ya təsdiq yoxdu.

Hər nə qədər hər kəs Facebook`u sosial şəbəkə və yoldaşlarla ünsiyyət platforması olaraq görsə də, əslində Facebook fotoşəkil paylaşımı mövzusunda da internetin ən böyük saytı mövqeyindədir.
Təkcə fotoşəkil paylaşmaq üzrə ixtisaslı sayt olan Flickrdən belə daha çox fotoşəkili saxlayan Facebook`un bu gücü Kodakın da diqqətini çəkmiş olacaq ki, şirkət çox qısa müddət içində, bu yaya doğru, fotoşəkil çapı üçün istifadə edilən kiosklarına Facebooku da daxil edir.

( Ətraflı oxuyun )

Nəsə bu Google son vaxtlarda sosial şəbəkələrə maraq salıbdı. Yəqin ki, Facebook`un bu qədər yüksəlişi onu da narahat edir. Bunun üçün bir çox addımlar da atıbdı. Deməli Google`un ilk işi Orkut olmuşdu. Bu cəhd elə də uğurlu alınmadı. Servis təkcə Brazilyada populyar oldu və burada çox rəğbət gördü. Sonrakı cəhd isə Google wave oldu. Düzü ilk baxışdan çox gözəl cəhd kimi görsənirdi bu. Hətta insanların dəvətnamə ilə üzv ola bilməyi buna marağı daha da artırdı və hər kəs üzv olmaq üçün növbəyə düzüldülər — bizim social media əhli də qarışıq. Ancaq bu elə bilki bir növ şar effekti verdi — şişdi və sonunda partladı. Maraq birdən-birə azaldı. Sonra Google`dan növbəti bir sosial platforma hədəfi gəldi — Google Buzz. Bu yeni platforma bir növ Friendfeed`in qardaşı oldu. Tamamilə eyni servislərdir. Servisdə Google`dan gəldiyinə görə paylaşım button`ları belə bloglarda öz yerini aldı. Ancaq bu yeni servis də hər kəs tərəfindən birmənalı qarşılanmadı. Texnologiya aləmində Google`un istifadəçilərə qarşı bir haqsızlığı kimi qələmə verilir. Çünki bu sizin mailinizin daxilində yaranır. Üstəlik bir növ mailinizdə açıq hala gəlmiş olur.
Elə bu söz-söhbətlər davam edərkən Google yeni bir sosial start-up`ı satın aldı.

( Ətraflı oxuyun )