28 aprel 2010 –cu il tarixdə AİF tərəfindən mətbuat konfransı keçiriləcək.

Mətbuat Konfransında ölkədə İnternetin keyfiyyəti ilə bağlı vəziyyət haqqında AİF və Parketinq.com saytının birlikdə həyata keçirdiyi sorğunun nəticələri açıqlanacaq.

Sorğu müxtəlif Provayderlərin müştəriləri olan 400-dən çox ADSL istifadəçisi arasında keçirilib.

Respondentlərə internetin sürəti, qırılmaların vəziyyəti, qiymətlər, müştəri xidmətlərinin fəaliyyəti ilə bağlı suallar verilib.

Sorğuda iştirak edənlər həmçinin ADSL xidməti əldə etmək üçün müraciətlərinin hansı müddətdə reallaşdığına, öz provayderlərinin seçimini nəyin əsasında etdiklərinə də münasibət bildiriblər.

Mətbuat Konfransı 28 aprel 2010-cu il tarixdə, saat 12.00 -da Azərbaycan Media Mərkəzində keçiriləcək. ( Ünvan: D. Əliyeva k 218., 493-25-22)

Bildiyiniz kimi Parketinq.com blogunda şirkətlərin göstərdikləri xidmətlərin çatışmamazlıqlarından yazırıq. Bu dəfə isə bütün istifadəçilərin köməyindən faydalanaraq İnternet Provayderlərin verdikləri xidmətin səviyyəsini ölçmək üçün bir soruğu hazırlanıb. Bunun üçün sizin parketinq.com/sorgu ünvanına daxil olub, burada verilmiş suallara cavab vermək lazımdır. Düşünürəm ki, nə qədər çox istifadəçi iştirak etsə o qədər də real nəticələr əldə etmək olar.
Sorğunun ünvanları:
parketinq.com/sorgu/
url.az/sual
Sorğunun gedişatı haqqında məlumat verəcəyik. Nəticələri isə geniş ictimaiyyətə və provayderlərin diqqətinə çatdırılacaq (təbii ki bloglarda da yazılacaqdı).
Gələcəkdə də bu tip sorğular davam edəcək.

Bir müddət əvvəl Aftafa adında bir blog açılmışdı. Linkdən də blog haqqında ətralı oxuya bilərsiniz. Blogda əsasən şirkətlərin Marketing və PR xətaları haqqında blog postları yazılır. Bir müddət əvvəl isə blogun adını dəyişdirib Parketinq qoyduq. Bunun da səbəbi elə məhz marketing idi.
İndi isə daha bir addım. Azərbaycan Marketing saytı olan Mak.az ilə əməkdaşlığa başlayır. Parketinq`də yazılan bütün yazılar, Mak.az`da da yayımlanacaq. Əməkdaşlıq uğurlu olsun!