Press-reliz: Milli Net Təşkilat Komitəsinin toplantısı keçirilib.

Toplantıda səsvermə prosesinin gedişi və Təqdimat mərasiminə hazırlıq məsələləri müzakirə olunub.

Toplantıda Milli İnternet Mükafatı uğrunda Müsabiqəyə 23 dekabrda yekun vurulacağı və qaliblərin mükafatlandırılması ilə bağlı Təqdimat mərasiminin keçiriləcəyi bildirilib.

( Ətraflı oxuyun )

Milli Net 2011-in səsverməsində 1-ci mərhələ başa çatdı. Bu mərhələdən sonra 63 sayt nominant olub. İlkin səsvermə zamanı 15 münsifin hər biri öz kateqoriyası üzrə bütün saytları qiymətləndirib.
Bu ilki Müsabiqədə də yalnız hər Nominasiya üzrə 1-ci yerlərin qaliblərinə Müsabiqənin əsas Mükafatının — hörümçək toru əks olunan buta formasında prizin verilməsi nəzərdə tutulub. Təqdimat mərasiminin 23 dekabr tarixdə keçirilməsi planlaşdırılır.

2011-ci ilin nominantları:

( Ətraflı oxuyun )

Milli Net Təşkilat Komitəsi bildirir ki, Müsabiqəyə təqdim olunan İnternet resursların qeydiyyat müddəti daha 5 gün uzadılıb. Beləliklə Milli Net 2011 də İnternet resursların Qeydiyyat müddəti 20 Noyabr tarixdə başa çatır. Bu müddət bitdikdən sonra istifadəçilər yalnız Müsabiqəyə qəbul edilən saytlara öz şərhlərini və rəylərini yazmaq üçün qeydiyyatdan keçə bilərlər.
Milli Net TK bildirir ki, Müsabiqə Qaydalarına uyğun olaraq səsvermə 2 mərhələdə həyata keçiriləcək.

( Ətraflı oxuyun )

İddaçı?.. Претендент, Сontender… Başım deyəsən tərcüməyə qarışdı. Digər dillərdə tərcüməni, tərcümə sisteminin köməyilə ilə edərsiniz. Birdən fikirləşsəniz ki, nə oldu axı Farikə? Hardan bu söz girdi beyninə? Bu gün mən iddiaçı oldum! Necə? Onu birazdan deyəcəm. İndi başa salım ki, bəs "İddiaçı" nədir?

— Hər hansısa bir insanın vəzifə, müsabiqə və yarışlarda birincilik üçün can atması "İddiaçılıqdır".  Çox heyf ki, bu barədə wiktionary-də bir məlumat yoxdur. Eybi yox, əlavə edərik. Bəs gəlin keçək əsas məsələyə…  Necə iddiaçı oldum və nəyə can atıram? Bax bu sualın cavabını indi alaq.

Yadınızdadırsa, sentyabrın 7-si hələ şəngülümündə xəbəri olmayanda, mən blogumda MilliNet müsabiqəsinin yavaş-yavaş başlaması haqda xəbər vermişdim. Dünən, yəni 14 sentyabr tarixində, səhər tezdən Weboxu və InfoCity-də bu barədə rəsmi xəbər yayıldı. Əlaqə saxlayıb, xidmətin saat neçədə istifadəyə veriləcəyi haqda məlumat əldə etdim. Budur, gecə saat 2-də, saytın texniki administratoru tərəfindən tam işlək halda yoxlanmasından sonra, xəbər aldım ki, ilk qeydiyyatdan keçə biləcək şəxs ola bilərəm =) Eləmə tənbəllik, vur qoltuğuva papkanı, getdim qeydiyyatdan keçməyə (şəkilləri böyütmək üçün tıklayın):


( Ətraflı oxuyun )

Press-reliz: 13 sentyabr tarixdə Milli İnternet Mükafatı uğrunda Müsabiqənin -Milli Net 2011-in Təşkilat Komitəsinin toplantısı keçirilib. Toplantıda Milli Net 2011- in qeydiyyat prosesinə 15 sentyabr tarixdə start veriləcəyi bir daha vurğulanıb.
Toplantıda Müsabiqəyə hazırlıqla bağlı məsələlər müzakirə edilib. Bu ilki yarışmanın 11 Nominasiya üzrə keçiriləcəyi qeyd olunub. TK tərəfindən ehtiyac olarsa xüsusi nominasiyaların müəyyən olunacağı nəzərə alınıb. Müsabiqə aşağıdakı Nominasiyalar üzrə keçiriləcək:

( Ətraflı oxuyun )

Milli Net 2010 — Milli İnternet Mükafatı uğrunda Müsabiqədə qeydiyyat prosesi və səsvermənin 1-ci mərhələsi başa çatib.
Milli Net 2010-a start veriləndən qeydiyyat prosesi başa çatanadək 2300 istifadəçi millinet.az saytında qeydiyyatdan keçib və 437 sayt Müsabiqəyə təqdim edilib.
Onlardan 309 sayt Müsabiqəyə qəbul edilib, 128 sayt isə Müsabiqənin şərtlərinə uyğun gəlmədiyinə görə müsabiqəyə buraxılmayıb.
Dizayn, Məzmun və Texniki-texnoloji istiqamətlər üzrə formalaşdırılan 15 nəfərlik Səsvermə Komissiyası üzvündən 13 nəfəri 1-ci mərhələdə saytların qiymətləndirməsin də iştirak edib. İki nəfər münsif onlara aid olan saytların səsvermədə iştirakı səbəbindən Səsvermə Komissiyasından azad edilib.
Nominantlar:

( Ətraflı oxuyun )

Noyabr ayının 20-si, Milli Net internet mükafatında son qeydiyyat günüdür.
Bu yazını yazanda artıq 430 resur təqdim edilmişdi və 300-dən artığı müsabiqədə iştiraka haqq qazanıb.
Gedişat ilə bağlı nominantlar çıxanda blogda daha ətraflı fikirlər olacaq.
Qeydiyyat başa çatdıqdan sonra da, namizədliyini təqdim edən, ancaq qəbul edilməyən saytlara bir neçə gün əlavə möhlət veriləcək ki, onlar çatışmamazlıqlarını aradan qaldırsınlar. Bundan sonra nominantlar elan ediləcək. Nominantların seçilməsi ilə birgə, ikinci səsvermə mərhələsinə keçid olacaq və səsvermə yekunlaşacaq. Qaliblər dekabr ayının əvvəlində keçiriləcək tədbirlə ictimaiyyətə geniş təqdim olunacaq.
Qeyd edək ki, hal-hazırda səsvermənin birinci tutu davam edir. Hər gün müxtəlif sayda, müsabiqəyə buraxılmış saytlar münsiflərin baxışına verilir və qiymətləndirmələr aparılır.

Milli Net 2010 — Milli İnternet Mükafatı uğrunda Müsabiqədə qeydiyyat prosesinin başa çatmasına az bir müddət qalıb. Hazırda qeydiyyat davam edir və Müsabiqəyə təqdim olunan saytlara şərhlər yazmaqla iştirakçılar öz münasibətlərini açıqlayırlar.

Təşkilat Komitəsi bildirir ki, Milli Net 2010 başlanandan indiyədək 2000 nəfərdən çox iştirakçı qeydiyyatdan keçmiş, 300-dən çox sayt Müsabiqəyə təqdim edilib. Onlardan 200 –dən çoxu Müsabiqəyə qəbul edilib. Hələlik daha çox sayt İnternet xidmətləri, Asudə vaxt, idman və əyləncə, Elm və təhsil, Korporativ saytlar nominasiyaları üzrə qeydiyyatdan keçib.


( Ətraflı oxuyun )

29 sentyabr tarixdə Azərbaycan Media Mərkəzində Milli Net 2010 Təşkilat Komitəsi tərəfindən Mətbuat Konfransı keçirilib.
AİF prezidenti Osman Gündüz Mətbuat Konfransında çıxış edərək Milli Net 2010 –nun məqsədləri və mərhələləri haqqında məlumat verib.
Milli Net müsabiqəsinin keçirilməsində məqsədin ölkədə internet sektorunun inkişafına kömək etmək, ən yaxşı milli internet resurslarımızın təbliğini aparmaq, informasiya texnologiyalarının populyarlaşmasına dəstək vermək və Azərbaycan dilinin İnternetdə tətbiqini genişləndirməkdən ibarət olduğunu qeyd edilib.


( Ətraflı oxuyun )

MilliNet internet mükafatının bu il ikincisi təşkil olunacaq.
Ötən il, MilliNet 2009 baş tutdu və bir çox yenilikləri gətirdi. Artıq ənənə halını alacaq mükafatın bu il növbətisi — MilliNet 2010 keçiriləcək.
Onu qeyd edim ki, juri üzvlərində yeniliklər var. Ötən il jüridə olanlardan bəziləri bu il iştirak etməyəcək. Yeni jüri üzvlərimiz olacaq.

( Ətraflı oxuyun )