KATV1-nin genişzolaqlı interneti istifadəyə hazırlamağı ilə bağlı blogumuzda post yazılmışdı. Artıq KATV1-dən verilən məlumata görə son tamamlama işləri gedir və qısa müddət ərzində xidmət tam istifadəyə veriləcək. Paketlər və qiymətlər barədə də ilkin məlumatlar var:

( Ətraflı oxuyun )

Kabel TV xidmətlərindən olan KATV1-dən kabel İnternetini artıq uzun müddətdir ki, gözləyirik. Tezliklə gələcək deyə gözlədiyimiz kabel İnternetinə deyəsən həqiqətən az qalıb. Çünki bu kabel interneti sınamaq mümkündür. Kabel İnternetin növbəti dəfə mən sınaqdan keçirəsi oldum.
Onu deyim ki, son zamanlarda sürətli İnternet sahəsində ciddi dəyişikliklərin olmağı gözlənilir. Həm ADSL-də qymətlərin endirimini buna misal göstərmək olar. Bir neçə vaxt əvvəl də, Azertelecom-un göstəriciləri barədə yazmışdım.

KATV1-nin interneti işə salacağı təqdirdə, həm abonent cəhətdən bazarda özünə yer tapacaq. Həm də yeni müştəri cəlb etmə imkanları çox olacaq. Ən əsas səbəb olaraq ADSL-dən texniki cəhətdən bir mənalı üstün olmasıdır. Bir qədər texniki göstəricilər barədə:

( Ətraflı oxuyun )

"İçərişəhər" tarix-memarlıq qoruğunda “İntellektual şəhər” şirkətinin açılış mərasimi olub. Şirkət rəqəmsal kabel televiziyası xidməti göstərir, yaxın zamanlarda internet xidmətinində göstərilməsi nəzərdə tutulur.

Açılış mərasimində “AG Telekom” (KATV1 brendinin sahibi) və Smart Systems Technology MMM şirkətlərinin rəhbərliyi, "İçərişəhər" tarix-memarlıq qoruğunun rəhbərliyi, Azərbaycan Kabel Operatorları Assosiasiyasının nümayəndələri, həmçinin İnformasiya texnologiyaları və telekommunikasiya sahəsinin tanınmış nümayəndələri iştirak etmişdir.

( Ətraflı oxuyun )

Ölkəmizdə kabel televiziya xidmətlərini göstərən iki şirkət – AG Telekom (KATV1 brendinin sahibi) və SN Telekom (SNTV brendinin sahibi) Azərbaycan Kabel Operatorları Assosiasiyasının təməlini qoydular.

Yeni yaranmış assosiasiyanın məqsədləri Azərbaycanda kabel televiziyasının fəaliyyətinin koordinasiyası, normativ aktların tərtibatında iştirak etmək, problemlərin araşdırılması və həll yollarının tapılması, ümümi problemlərin həll yollarında əməkdaşlıq.

Assosiasiyanın təsis yığıncağı zamanı assosiasiyanın prezidenti KATV1 kabel televiziyasının prezidenti Samir Qurbanov seçilmişdir.

AKOA analojı beynəlxalq təşkilatlarla əlaqələrin yaradılması üçün addımlar atır. Bu günlərdə Bakı şəhərində AKOA-nın təşkilatçılığı ilə beynəlxalq konfrans keçiriləcək.

Bu gün BakuTel sərgisinə tamaşa etməyə getmişdim. Əslində plan o idi ki, sərginin ilk günü gedək. Məlum olaraq, sərginin açılış vaxtı dəyişdiyindən, sərgini ziyarət vaxtı da avtomatik dəyişildi. Ona görə bu haqda öz fikirlərimi hələki indi yazıram. Yəqin ki, indiyə qədər sərginin gedişatı, oradakı stendlər haqqında oxucuların çoxusu ya gedib görüb, ya da indiyə qədər oxuyub. Mən də ona görə sərginin gedişatı haqqında yox, elə ümumiyyətlə sərgi haqqında fikirlərimi qeyd edəcəm.

( Ətraflı oxuyun )

İstanbulda 4-10 oktyabr tarixlərində keçirilmiş beynəlxalq «CeBIT Eurasia Bilişim 2010» sərgisində türkdilli dövlətlərin «TÜRKSOY» mədəniyyət təşkilatı və KATV1 brendinin sahibi olan «AG Telekom» şirkəti öz stendi ilə çıxış etmişlər.

2010-cu ilin əvvəllərində Türkiyənin paytaxtı Ankara şəhərində «TÜRKSOY» təşkilatının baş katibi Duysen Kaseinovun, «AG Telekom» MMC-nin prezidenti Samir Qurbanovun və «Crown Capital Managament Ltd» (Böyük Britaniya) şirkətinin nümayəndələrinin birgə görüşü baş tutmuşdur. Görüşün nəticəsində türkdilli xalqlar üçün vahid teleradio portalın yaradılması qərara alınmışdır.

( Ətraflı oxuyun )