HTML5 texnologiyası gedərək daha da inkişaf edir. Ehtimal etmə olar ki, 2012-ci ildə HTML5 standartı həm browserlərin hər birində mükəmməl dəstəklənməyə çalışılacaq, həm də saytlar HTML5-ə keçmək üçün bir-biri ilə yarışacaqlar. Təəssüf ki, hələ Azərbaycanda HTML5 texnologiyası tam irəliləməyib. Ancaq bu il yəqin ki, HTML5 saytları görməyə başlayacağıq.
Dünyada isə HTML5 əsasında müxtəlif yarışlar da var. Bunlardan biri də HTML5 ilə oyun yazmaq yarışıdır. Yarışmanı isə Pokki adlı firma edir.


( Ətraflı oxuyun )

Adobe, mobil cihazlara istiqamətli Flash Player-in developunu sona çatdırdıqlarını açıqladı. Flash Player 11.1-in istifadəyə verilməsindən sonra artıq bu istiqamətdə yeniliklər etməyəcəklərini bildirdilər. Bundan sonra ancaq kritik xətaları düəltmək və ya hər hansı təhlükəsizlik problemi olduqda yeniləmələr edəcəklərini dedilər. Android və RİM-in Playbook-larında bundan sonra ancaq son versiyalar işləyəcək.

( Ətraflı oxuyun )

Sabah, 10 oktyabr tarixində Moskva şəhərində Google Developer Day keçiriləcək.



Tədbirin proqramı artıq saytlarında yerləşdirilib. Dəvətnamələr hər kəsə 2D barkodlar şəklində göndərilib.

Twitterdə #gddru haşteqi ilə yazılanlardan belə başa düşmək olar ki, əsasən Rusiyadaki GTUG üzvlərindən iştirakçılar olacaq. Azərbaycandan məndən başqa hansısa iştirakçının olacağı barədə təəssüf ki, heç bir məlumat ala bilməmişəm.

Sabah tədbir zamanı imkan olduqca tədbir barədə tvitləyəcəm, günün sonunda fotoşəkilləri və təfərrüatları buraya qeyd edəcəm.

Baku GTUGın ikinci tədbiri oktyabr ayının 1-i 2011-ci il, Qafqaz Universitetinin konfrans zalında baş tutudu. Hava şəraitinin pis olmasına və gözlənilməz texniki problemlərin yaşanmasına baxmayaraq tədbir zalında 100ə yaxın iştirakçı var idi. Tədbir planlaşdırılıandan daha uzun, 4 saat çəkdi.


( Ətraflı oxuyun )

Microsoft əzəli rəqibi Apple-ın izindən gedir. Apple-ın çıxardığı heç bir mobil cihazda dəstəkləmədiyi Flash fayllarına bir zərbə də Microsoftdan gəldi. Bu qərar web texnologiyalarında bir dövrün sonu ola bilər.
Apple-ın çıxardığı cihazlara Flash dəstəyi qoymaması davamlı müzakirə edilən bir mövzu olmuşdur. Flash yerinə HTML5 texnologiyasını dəstəkləyən Apple-ın yanında artıq Microsoft da var. HTML5-in bu qədər tez yayılmağına bəlkə də ən böyük səbəblərdən biri məhz Apple-ın izlədiyi yol oldu. Microsoftun Flash-a dəstək verməməsi isə bir növ Flasha rəqib sistemi olan Silverlight-a görə ola bilər. Səbəb nə olursa olsun, nəticə eynidir.

Microsoftdan edilən rəsmi bir elan ilə Windows 8-in içindəki Metro stil Uİ-də İnternet Explorer 10-un Flash fayllarını oxutmayacağı bildirildi.

Bu halda Apple-ın iPad modelləri ilə Windows 8 yüklü satılacaq digər markaların planşet cihazlarında Flash faylları oxudulmayacaq. Hələki təkcə Android OS-li cihazlarda Flash dəstəyi olacaq.

Windows 8-in destkop versiyasındakı İnternet Explorer 10-da isə Flash dəstəyi davam edəcək.

Baku Google Technology User Group növbəti tədbiri oktyabrın 1-i saat 10:00-da Qafqaz Universitetinin akt zalında keçiriləcək. İlk tədbirdən fərqli olaraq bu "Around the Google Technology" daha çox texniki ağırlıqlı olacaq. Adından da göründüyü kimi bu tədbirimizdə sırf Google texnologiyalarının tətbiqi istiqamətində çıxışlar nəzərdə tutulub.



( Ətraflı oxuyun )

Adobe şirkəti HTML5-in çıxmasından sonra flash texnologiyasının arxa planda qaldığını görüb yeni məhsullar çıxarmağa başlayır. Bu yeni məhsullar da yeni trend HTML5-in xüsusiyyətlərini istifadə edir. Qısa müddət əvvəl flashları HTML5-ə çevirən proqramını istifadəyə vermişdi. Avqustun 15-i isə Muse adında daha başqa bir məhsulun beta versiyasını istifadəyə verdilər. Muse kod yazmadan sayt düzəltməyə kömək edən texnologiyadır. Əsasən qrafik dizaynerlər üçün nəzərdə tutulan, onların işini asanlaşdıracaq bir məhsul olaraq təqdim edilir.

Daha əvvəl Dreamweaver ilə veb dizaynerlərin bir nömrəli köməkçisi olan Adobe, bu dəfə kod yazmağa ehtiyac duymadan bir-birindən bənzərsiz veb saytları meydana gətirməyi təmin edən bir vasitə təqdim edir. Muse kod adlı proqramın beta versiyasını istifadəyə verən Adobe, proqramı bir başqa məhsulu olan Adobe Air ilə develop edib. Bu da Muse-un həm PC həm də Mac-larda işləyə bildiyi mənasını verir.

( Ətraflı oxuyun )

Düz 20 il əvvəl, 6 Avqust 1991-ci ildə Sir Berners-Lee-nin meydana gətirdiyi dil Hypertext mark-Up Language (yəni HTML) ilə Web dünyaya gəlmişdi.

World Wide Veb standartını təyin edəcək olan qurum 1980-ci illərdə Berners-Lee tərəfindən CERNdə qurulmuşdu. Qurumun məqsədi fizikaçıların dünyanın hər yerində eyni təchizat və eyni proqram ilə məlumat paylaşa bilmələrini təmin etmək idi. Berners-Lee işlər əsnasında yazı, şəkil, verilənlər bazası, dokumentasiya kimi bir çox fərqli quruluşdakı məlumatlara çatılmasının HyperText adı verilən hiper mühitlərlə təmin edilə biləcəyini kəşf etdi.

Nəhayət 6 avqust 1991-ci il tarixində assistenti ilə birlikdə hiper text transfer protokolunu — HTTP əsasında dünyanın ilk Web saytını o dövr Steve Jobsun başçılıq etdiyi NeXT firmasının hədiyyəsi olan və NeXTStep əməliyyat sistemi ilə işləyən bir kompüterdə həyata keçirdi. O kompüter də beləcə ilk veb serveri, ilk hiper media skaneri və veb redaktoru oldu.

( Ətraflı oxuyun )

Mobil əməliyyat sistemlərindəki inkişafların belə sürətli olması, bütün cihazların yeniliklərə tez uyğunlaşmasına təsir edir. İstehsalçıların sürətli bir şəkildə inteqrasiya olmağa çalışdığı texnologiyaların başında HTML 5 gəlir.

Hələ veb dünyasında bir standart olaraq aktiv şəkildə istifadə edilməsə də HTML 5 gələcəkdə bütün brouserlər tərəfindən dəstəklənəcək. Bu məzmunda xüsusilə mobil əməliyyat sistemləri sürətli bir şəkildə bu texnologiyaya inteqrasiya olmağa başladı belə.

( Ətraflı oxuyun )

11.0.696.57 versiya nömrəsi ilə gələn bu yeni versiyayla birlikdə edilən ən əhəmiyyətli dəyişiklik, «səsdən mətnə çevirmə» olaraq xarakterizə etdiyimiz tətbiqləri meydana gətirməyə və işlətməyə istiqamətli HTML5 səs import API-sinə dəstək verməyə başlamağıdır. Yəni irəliləyən dövrlərdə gələcək tətbiqlərlə birlikdə Chrome istifadəçiləri danışacaq, Chrome da birbaşa yazıya keçirəcək. Bundan sonra Chrome üzərində işləyən extensionlarda səsə əsaslananlarını artımını müşahidə edə bilərik.

( Ətraflı oxuyun )