İnternet saytlarının bir çoxu əsas serverlərindən əlavə, file serverlərinə də sahibdirlər. Fayl serverlərini əsasən bu xidməti göstərən Amazondan təmin edirlər. Əlbəttə bəzi saytların serverləri tamamilə Amazondadır. Dünyanın ən böyük server mərkəzlərindən biridir.
Amazonda yaranmış problem — Amazon’un Elastic Compute Cloud (Amazon EC2) serverlərində, burada yerləşən bir çox saytı pis vəziyyətdə qoydu. Xüsusilə bu servisdən istifadə edən böyük sosial şəbəkələrin açılmamağı gün ərzində müzakirə mövzusu idi. Hətta bəziləri bunu «sosial medianın 11 sentyabrı» adlandırdı.

( Ətraflı oxuyun )

Twitterin satılacağı ilə əlaqəli xəbərləri çox oxumağa başladım. Bir müddət əvvəl bu söz-söhbətlər çıxdı, sonra səngimişdi. Almaq istəyən tərəflərdən biri qalır — Google, digəri isə qismən dəyişir. Microsftun tərəfdaşı Facebook. "The Wall Street Journal«da yazılanlara görə təqribi qiymət də 8-10 milyard olacaq. Heç bir rəsmi açıqlama da yoxdur. Sadəcə axırını gözləmək qalır. Belə görünür ki, bu il Twitter əl dəyişdirəcək.
Məncə isə bu sövdələşmədə ideal variant Google-Twitter şərikliyi olardı. Düşünürəm ki, elə bu formada da olar.
Əvvəla Google-un buna ehtiyacı var. Çünki, Facebook getdikcə Google üçün başağrısı olur. İstifadəçilərin Facebookda keçirdiyi müddət daha da artır. Google isə son iki sosial platforma proyektində qəti uğur qazana bilmədi (Wave və Buzz). Bunun özü də onları xeyli geri saldı. Artıq mövcud platformanı almaq daha səmərəli olacaq.

( Ətraflı oxuyun )

Google Buzz çıxandan sonra bloqlardakı sosial paylaşım saytlarının sırasına dərhal əlavə edildi. Bizdə dedik ki, bu ənənəni pozmayaq, bloqda Google Buzz iconunu yerləşdirək. Yəni Twitter, FriendFeed və Facebook`un sırasına Google Buzz da qoşuldu. Artıq yazıları Buzz vasitəsi ilə də bölüşməyin yolunu sadələşdirdik. Əl gəzdirərkən Facebook paylaşımlarının və ReTweet`lərin sayınıda göstərən əlavələri etdik.

Bundan başqa Facebook fan səhifəsini də aktiv hala gətirdik. İndiyə qədər Twitter üzərindən @weboxu`nu izləmək mümkün idi. Eyni zamanda Friendfeed hesabımız da aktiv idi.
İndi Facebook səhifəsini ziyarət edib, fanı ola bilərsiniz. Eyni zamanda Facebook fanlarının sayını göstərən və bloq üzərindən fan olmağınızı asanlaşdıran qutucuğu da bloqun sağ sidebar`ında görə bilərsiniz.