Video Infographs firması 2011-ci ilin sonuna doğru, Sosial Media üzrə statistikalardan ibarət video infoqrafika hazırladı. Statistikada bir sıra maraqlı məlumatlar yer alıb:
İlk olaraq Google ilə Facebook qarşılaşdırılıb. Google-un təkcə axtarış sistemini götürsək, Facebook-un reytinqdə onu keçdiyi vurğulanır.

( Ətraflı oxuyun )

Flickr foto paylaşım saytına 6 milyardıncı foto yüklənib. Yüklənən foto barədə Flickr rəsmi blogundan məlumat verib.
Fotoya artıq 14 mindən çox baxılıb. Ümumilikdə Flickr hər il əvvəlki ilə nisbətən 20% böyümə əldə edir.
Bu say Flickr üçün uğur sayılsa da, rəqibləri ilə müqayisədə hələ də geridə qalır. Xüsusi ilə Facebook-un yüksəlişindən sonra Flickr daha çox professional fotolar üçün məkana çevrilib. Digər tərəfdən Flick-ın digər sosial şəbəkələrlə inteqrasıyanı sevməməsi ondakı foto sayının az olmasına gətirib çıxarır.
Rəqiblərə nəzər yetirsək, Facebook istifadəçiləri 2011-ci ilin Fevral ayı etibarilə 60 milyard fotoşəkil yükləmişdi, gündə əlavə olunan fotoşəkil sayı isə təqribi 100 milyondur. Eyni dövrdə Photobucket 8 milyard, Picasa isə 7 milyard fotoşəkilə çatmışdı. Qeyd edək ki, Picasa saytı Google məhsuludur. Photobucket isə Twitterlə razılaşma əldə edərək, rəsmi foto paylaşımları bu sistem üzərindən təqdim edəcək.
Flickr isə Yahoo-a aiddir. Yahoo, Flickri dəstəkləməyə və bazar payının böyüməsi üçün kömək etməyə davam edəcəyini ifadə edir.

Dünən Apple barəsində yazmışdım. Steve Jobs rəqiblərinə xüsusəndə Google acıq vermək istəyən bəyanatlar yaymışdı. Demişdiki bəs pulumuz çoxdur, ay nə bilim çoxlu satın almalar edəcəyik. Steve əmi saydığını saysın görsün Google nə sayır. Artıq yeni bir sayt daha satın alıbdır. Saytın adı Picnik.com`dur. Qiymət haqqında bir məlumat ala bilmədim. Bir rəqəm tapan kimi paylaşacam. Bu satın almada maraqlı tərəf isə başqadır. Sayt son dövrlərin məşhur online fotoşəkil tənzimləmə xidmətidir. Picnik, Yahoo! şirkəti olan Flickrə xidmət verirdi. Maraqlıdırki indi onu Google aldı. Yəqinki Picasa`ya inteqrasiya ediləcəkdi servis. Əsas maraqlı olan isə, bəs görən bundan sonra da Flickr`ə olan servisi davam edəcək, ya yox?

Nəsə bu Google son vaxtlarda sosial şəbəkələrə maraq salıbdı. Yəqin ki, Facebook`un bu qədər yüksəlişi onu da narahat edir. Bunun üçün bir çox addımlar da atıbdı. Deməli Google`un ilk işi Orkut olmuşdu. Bu cəhd elə də uğurlu alınmadı. Servis təkcə Brazilyada populyar oldu və burada çox rəğbət gördü. Sonrakı cəhd isə Google wave oldu. Düzü ilk baxışdan çox gözəl cəhd kimi görsənirdi bu. Hətta insanların dəvətnamə ilə üzv ola bilməyi buna marağı daha da artırdı və hər kəs üzv olmaq üçün növbəyə düzüldülər — bizim social media əhli də qarışıq. Ancaq bu elə bilki bir növ şar effekti verdi — şişdi və sonunda partladı. Maraq birdən-birə azaldı. Sonra Google`dan növbəti bir sosial platforma hədəfi gəldi — Google Buzz. Bu yeni platforma bir növ Friendfeed`in qardaşı oldu. Tamamilə eyni servislərdir. Servisdə Google`dan gəldiyinə görə paylaşım button`ları belə bloglarda öz yerini aldı. Ancaq bu yeni servis də hər kəs tərəfindən birmənalı qarşılanmadı. Texnologiya aləmində Google`un istifadəçilərə qarşı bir haqsızlığı kimi qələmə verilir. Çünki bu sizin mailinizin daxilində yaranır. Üstəlik bir növ mailinizdə açıq hala gəlmiş olur.
Elə bu söz-söhbətlər davam edərkən Google yeni bir sosial start-up`ı satın aldı.

( Ətraflı oxuyun )