Dünya Mobil Konqresinin açılış günündə səssiz qalan HTC, yeni mobil cihazlarını bir-bir tanıtmağa başladı.
Smartfon bazarının güclü markası olan HTC, Salsa və ChaCha model ağıllı telefonlarını tanıtdı (rəqs növlərinin adıdır). Son illərdə sosial şəbəkənin həyatımızın hər sahəsinə girməsini görən HTC, yeni ağıllı telefonlarını Facebook etiketiylə satışa təqdim edir.
600Mhz Qualcomm prosessorlu HTC ChaCha, Android 2.4 əməliyyat sistemində işləyir. Blackberylərdə görməyə alışdığımız QWERTY klaviaturası var. Bu sayədə sosial media saytlarında olduqca rahat mesajlaşma imkanı təqdim edir. 480 x 320 piksel ekran dəqiqliyində 2.6 düymlük HVGA kapasitif touchsreen ekrana sahib olan ChaCha, öndən VGA və arxadan 5MP LED Flaşı var.




( Ətraflı oxuyun )

Ötən ilin sonlarında Google-un mobil telefonunun xəbərləri texnologiya bloglarında dolaşmağa başlamışdı. İlk əvvəllər Google tərəfindən belə bir fikirləri olmadıqları deyilsə də, sonra ortaya Nexus One çıxmışdı. Bu dəfəki iddialarda isə növbəti internet nəhəngi — Facebook-un telefonu olacağı yöndədir. Bu xəbəri ortaya atan qaynaq Techcrunch-dur. Hansı ki, Apple-ın iPhone telefonunu, Google-un Nexus One telefonunu ilk əvvəl bu blog yazmışdı.
Deyilənə görə telefonun üzərində, Facebook-un iPhone application-un üzərində işləyən Joe Hewitt ve Google-un Chrome OS-un əvvəlki idarəçilərindən Matthew Papakipos işləyəcəklər. Business Insider-in məlumatına görə isə, telefon dəqiq Android üzərində olacaq.
Ancaq Facebook nümayəndəsi Mashable-ə açıqlamasında deyib ki, bəs bu yalan xəbərdir. Ancaq Techcrunch israr edir ki, xəbər doğrudur. Webrazzi isə məsələyə münasibət bildirəndə qeyd edir ki, əgər indiyə qədər Facebook-un belə planı yox idisə də, bundan sonra telefon istehsalı barədə düşünə bilər.
Facebook-un telefon istehsalına ehtiyacı varmı deyə düşünsək isə, mənim fikrimcə qəti lazım deyil. Facebook nə qədər böyük sosial şəbəkə olsa da, nəsə mənə onun telefonu etibarlı bir cihaz kimi gəlmir. Əgər Google öz Nexus One-ı ilə lazımı satış rəqəmlərinə qalxa bilmədisə, inanmıram Facebook-un telefonu yüksək satış həddinə çatsın.