Küçədə bilbord reklamlarında görmüş olarsınız. Bakcell də Mobil internetə ayaq basır. Düzdür elə də böyük addım deyil, amma hər halda heç yoxdan yaxşıdır.
Bu Azercell kimi DataKart və ya Azerfon kimi 3G Modem filan deyil. Bu sadəcə USB modemdir. Bakcell`in standart internet paketlərindən faydalanaraq istifadə eləmək mümkündür. USB modemə Bakcell nömrəsini qoyaraq qoşulursan NET`ə. Burada EDGE göstərilir, kompüterdə isə netə qoşulanda sürət 400+ göstərirmiş. Amma real sürət isə 48-56kbps dir. Yəni standart Dial-up sürətidir.
Bu arada mənim diqqətimi isə bir başqa məqam çəkir.

( Ətraflı oxuyun )

Adəti üzrə, Zerkalo qəzetinin şənbə buraxılışını (31 oktyabr 2009 tarixli) alıram və yolda gedə-gedə səhifələyirəm.

Azərbaycanın birinci mobil rabitə operatoru “Bakcell” şirkəti ölkə infrastrukturuna sərmayə yatırmağa davam edir.

Şirkətin baş ofisindən verilən məlumata görə, bu il “Bakcell” şəbəkə dairəsinin kütləvi olaraq genişləndirilməsinə və müasirləşdirilməsinə başlayıb. Bu layihənin çərçivəsində “Bakcell” Naxçıvan Muxtar Respublikasında da əhatə dairəsini əsaslı şəkildə genişləndirib. Bu il ərzində “Bakcell” şirkəti tərəfindən Naxçıvan Muxtar Respublikasında 22 yeni baza stansiya quraşdırılıb və istifadəyə verilib, nəticədə MR-də mövcud olan stansiyaların ümumi sayı 42-yə çatıb. Bu şəbəkə genişləndirilməsinin nəticəsi olaraq “Bakcell” Muxtar Respublikanın əsas nəqliyyat arteriyalarını əhatə etməyə başlayıb. Hazırda “Bakcell”in əhatə dairəsinə Sədərək, Şahbuz, Culfa, Badamlı, Sirab, Babək, Ordubad və bir sıra digər rayonlar daxildir.

Bundan başqa, “Bakcell” şəbəkəsinin əhatə dairəsinə daxil olan Naxçıvan MR-in ərazisində EDGE-sürətli internet texnologiyasından istifadə etmək mümkün olacaq. Naxçıvan MR ərazisində şəbəkə dairəsinin və platformaların genişləndirilməsi prosesi 2010-cu ildə də davam edəcək.

“Bakcell” Azərbaycan mobil rabitə bazarında 1994-cü ildən etibarən fəaliyyət göstərir. Hazırda mobil rabitə operatoru Azərbaycan ərazisinin 80%-dən çox hissəsini əhatə edir və 2 milyona yaxın abunəçiyə xidmət göstərir.