Apple şirkətinə məxsus application mağazadı AppStore-da Azərbaycanın adı yox idi. Qeydiyyatdan keçmək, oradan nəsə endirmək istəyənlər qonşu ölkələr adından qeydiyyatdan keçirdilər.
Bu gün Apple-ın Azərbaycandakı mağazası Alma Store-un Facebook Page-ində bu barədə xəbər veriblər. Yazılana görə, App Store-da ölkəmizin adını əlavə etmək üçün Apple-ın Azərbaycandakı biznes partyoru olan Mac.az Ltd şirkətinin təşəbbüsü olub.
Bu mağaza Mac OS X Lion üçün olan Mac App Store-dur. Ümid edirik, ki yaxın vaxtlarda Azərbaycan Apple məhsullarında tam dəstəklənəcək. Mövzu barədə ətraflı olaraq İnfoCity-də yazılıb.
Qeyd edək ki, dünyada fəaliyyət göstərən nəhəng şirkətlərdən yalnız Apple-ın application mağazası Azərbaycan üçün aktiv deyildi. Bundan əvvəl Blackberry-nin mağazası App World və Google Androidin mağazası Android Market də Azərbaycan üçün aktivləşmişdi. Beləliklə texnologiya nəhənglərinin Azərbaycan bazarına girişləri də sürətlənir.


Yeniləmə #1: 25 iyul — iTunes Store-da da Azərbaycan adı aktivdir. Artıq istənilən şirkət öz app (proqram) –ini hazırlayaraq App Store-da yerləşdirə və lokal iPhone, iPad və iPod touch istifadəçilərinin onların xidmətlərindən yararlanmasına şərait yarada bilərlər.

Apple ötən günlərdə App Storenin download sayının 10 milyarda yaxınlaşdığını, 10 milyardıncı downloadı edənə 10.000 dollar mükafat verəcəyini xəbər vermişdi.

İndi isə Apple, 22 Yanvar 2011 etibarilə App Storenin 10 milyardıncı downloada çatdığını bildirdi. Oktyabr 2009 etibarilə 2 milyarda çatan App Store download sayı, Yanvar 2010-da 3 milyarda çatmışdı. App Store-un uğuru hələ də artan sürətlə davam edir.

App Store-un 2011-in sonuna qədər 20 milyard səddini keçməyi gözlənilir. 10.000 dollarlıq iTunes hədiyyə çekini kimin qazandığına dair məlumat isə hələ verilmədi.

Son günlərdə Microsoft tərəfindən Amerika Patenet Ofisinə AppStore adının şikayət etməyinə görə bir az kefi qaçan Apple (şikayətin səbəbi App Store adının bir ticarət markası ola bilməyəcəyi, çox ümumi bir ad olduğu yöndə idi), AppStore-da rekord endirilmə sayına çatır.

Apple 10 milyardıncı tətbiqi AppStore-dan endirəcək şanslı istifadəçiyə, 10.000 dollar dəyərində iTunes hədiyyə kartı verməyə hazırlaşır. Apple bunun üçün açdığı xüsusi səhifədə, sayğacı qoyaraq, tətbiq mağzasının nə qədər məşhur olduğunu bütün dünyaya da çatdırır.

Həmin səhifəyə isə baxanda isə endirmə sayının necə sürətlə artdığını görmək olar.
Təəssüf ki, AppStore Azərbaycanı rəsmi olaraq dəstəkləmir. İstifadə etmək istəyənlər, başqa ölkə adları və adresləri ilə qeydiyyatdan keçirlər.

Google-un Nexus One-ı uğursuz kimi qiymətləndirilir analitiklər tərəfindən. Çox tez-tez o iPhone ilə müqayisə olunur. Eyni vaxt dilimində satış göstəriciləri qarşılaşdırılır. Mən isə Google-un müvəffəqiyyətini cihazda deyil, daha çox əməliyyat sisteminin yayılmasında görürəm. Ola bilər ki, Nexus One satışları o qədər də uğurlu olmamışdı. Ancaq Motorola Droid-in satışları kifayəq qədər uğurlu oldu. Fikrimcə Google-a lazım olan da budur. Əsas məqsəd əməliyyat sistemini yaymaq və Android Marketdən gəlir götürmək. Buna görə də Android Marketdə olan Applicationların sayının artmasında maraqlıdır və buna səy göstərir. Yəni bir növü o Apple-ın bazarına girməkdən daha çox, öz bazarında olan elektron ticarətdə də liderliyə yüksəlmək istəyir. Yəni hədəf iPhone-dan daha çox, Apple-ın AppStore-udur. Məhz ona görə də yeni çıxacaq Google Tabletdə də əməliyyat sistemini Chrome OS deyil, Android edəcəklər.

( Ətraflı oxuyun )