Oracle, axtarış nəhəngi Google-u məhkəməyə verdi.
İddianın səbəbi olaraq Android proqramının, Oraclenin Javayla əlaqədar olan patentləri və müəllif haqqları olaraq göstərilir.
Sun Microsystems-i və onların məhsulu Java texnologiyasını bu ilin başlarında satın alan Oracle-ın iddiası Android yazılarkən Java texnologiyasını istifadə edən Google-un daha əvvəl Oracle-da işləyən Java mütəxəssislərini işə götürdüyü və bu çalışanlar üzərindən Oracle texnologiyalarını icazəsiz istifadə etdiyi istiqamətindədir.

Oracle-ın nümayəndəsi Karen Tillman mövzuyla əlaqədar olaraq, «Google, Androidi düzəldərkən, bilərək, birbaşa olaraq və təkrar təkrar Oracle-ın Javayla əlaqədar olan haqqlarını pozmuşdur.» dedi.

Lakin mütəxəssislər tam tərsini söyləyir.

Google, Androidi yazarkən Java-ya yaxın Dalvik adını verdikləri texnologiyanı istifadə edib. Dalvik, Java «clean room» versiyasıdır. Yəni sıfırdan Javaya uyğun olaraq yazılıb ancaq java deyil. Sistem Oracle-ın sahib olduğu texnologiyaları istifadə etmədən yazılıb. Google da sözlərini bunu deyərək dəstəkləyir: "Əgər bir Java tətbiqini Androidə birbaşa yükləsəniz bilməzsiniz. Dalvik istifadə edərək yenidən yığmalısınız."

Bu günləri mobil texnologiyalar sahəsində əhəmiyyətli gündür. Xatırlayacağımız kimi iPhone 4 mobil cıhazı bu ayın əvvəlində tanıdılmışdı. Həm iPhonun yeni əməliyyat sistemi, həm də cihaz haqqında məlumatları oxumaq olar. İndi isə satışa çıxır. Rəsmi olaraq AT&T Operatoru ilə satılacaq. Çox bəyənilən yeni cihaz üçün kifayət qədər iddialı satış rəqəmlərinə çatacağı barədə fikir söyləyənlər var. BCG analitiki Colin Gillis deyir ki, 1 günə 1 milyon iPhone 4 satıla bilər. Telefon bu gün satışa çıxır, artıq texnologiya bloglarında, saytlarında onun açılaraq detallı foto analizini görmək mümkündür. Hər halda iPhone özünü təsdiq etmiş bir cihazdır və kifayət qədər alıcısı olacaq. Hər dəfə Apple yeni cihaz çıxaranda, onun satış rəqəmləri əvvəlkilərdən daha yaxşı olur.
iPhonun satışa çıxmağından bir gün qabaq smartphone bazarının başqa bir güclü oyunçucu olan Android mənşəli yeni telefonun — Motorola Droid X-in təqdimat mərasimi keçirilib. Çox görkəmli bir təqdimat baş verib. Təqdimat Motorola, Verizon və Google üçlüyü tərəfindən həyata keçirilib. Cihazın tizer videosu bir neçə gün əvvəldən YouTube-da var idi:

( Ətraflı oxuyun )

Yeni Android platforması tanıdıldı:

Google-un Nexus One-ı uğursuz kimi qiymətləndirilir analitiklər tərəfindən. Çox tez-tez o iPhone ilə müqayisə olunur. Eyni vaxt dilimində satış göstəriciləri qarşılaşdırılır. Mən isə Google-un müvəffəqiyyətini cihazda deyil, daha çox əməliyyat sisteminin yayılmasında görürəm. Ola bilər ki, Nexus One satışları o qədər də uğurlu olmamışdı. Ancaq Motorola Droid-in satışları kifayəq qədər uğurlu oldu. Fikrimcə Google-a lazım olan da budur. Əsas məqsəd əməliyyat sistemini yaymaq və Android Marketdən gəlir götürmək. Buna görə də Android Marketdə olan Applicationların sayının artmasında maraqlıdır və buna səy göstərir. Yəni bir növü o Apple-ın bazarına girməkdən daha çox, öz bazarında olan elektron ticarətdə də liderliyə yüksəlmək istəyir. Yəni hədəf iPhone-dan daha çox, Apple-ın AppStore-udur. Məhz ona görə də yeni çıxacaq Google Tabletdə də əməliyyat sistemini Chrome OS deyil, Android edəcəklər.

( Ətraflı oxuyun )

Videoya baxıb prosessorun işləmə tezliyinin super olduğuna əmin olmaq olar!

Keçən günlərdə Google-un açıqlamasında Android əməliyyat sistemi üçün cəmi 38.000 application olduğunu deyilmişdi.
1 həftə kimi qısa bir müddətdə 12.000 application hazırlandığı deyilir. Android Marketdə cəmi 50.000 application var və bu vəziyyətin Google üçün əhəmiyyət daşıdığı deyilir. Hələ rəqibi Apple-ın yanına belə yaxınlaşa bilməyən Android, developerlər sürət kəsmədən application yazmağa davam etsələr bu ilin sentyabr ayına qədər 100.000 application-a çata biləcəklərini deyirlər.

Bu yazımı Nexus One’a həsr etmek niyətinə gəldim. Qərar verdim ki, elə məqaləni Android`in WordPress Admin proqramı ilə yazım. Siz də görürsünüz ki, bəzi problemlerimiz yox deyil. Ilk olaraq Azerbaycanca klavyaturamız movcud deyil (Qeyd: Yazı redaktə olunduğundan şrift problemlərini aydın görə bilmirsiniz. Əsas mənbədə problemləri görmək olar). Nöqtəsiz “i”, quyruqlu “s” ve məşhur tərs “e” hərflərini yaza bilmirəm. Ancaq bu yəqin ki mümkündür. Çünkü Çincə kimi dillərə aid klavyatura pluginlərinə rastlamışam. Hələki Azərbaycan dili üçün bu yoxdur. Bəlkə də bunu mən kodlamalıyam
Problemlərdən başlamışıq, elə davam edək. Üzləşdiyim başqa bir problem əhəmiyyətli olmasa da Touch Screen buglarıdır. Belə ki, bəzən ekran toxunulan nöqtəni anlamır və onun yerinə başqa nöqtədəki funksiyanı işə sala bilir. Bu problemin öhdəsindən klavyatura kilidini açıb bağlayaraq gəlirem.

( Ətraflı oxuyun )

Ağıllı telefonlar bazarında vəziyyət gərgindi. Belə ki, Google`un çıxardığı Nexus One hələki satışlarda iPhone`a çatmır. Ancaq Google bunun üçün yeni strategiyalar düşünür. Artıq T-Mobile`a keçibdi. Həmdə bugları filan fix etməklə məşğuldur. Böyük ehtimalla gələcək versiyalarda istədiyi rəqəmlərə çatacaqdı. Digər tərəfdən iPhonun başını ağrıtmağa səbəb dolayı yolla da olsa yenə Google`dur. Öz telefonu satışlarda iPhone`u keçməsə də, əməliyyat sistemindən — Androiddən istifadə edən Motorola Droid`in satış rəqəmləri artıq keçibdi. Deməli iPhon`un 1 milyon ədəd satdığı vaxt aralığında Motorola Droid 1.100.000 satmaqla yeni satış liderliyini əlinə alıbdı.
Bunlardan sonra isə YouTube`da iPhonun yeni modelinin videosunu görmək mümkündür. iPhone HD adlanan model videosu 3-4 gün əvvəl yüklənibdi, və maraqlı funksiyaları var. Yəqinki hansısa dizaynerin, iPhon`u görmək istədiyi formatdır bu, ancaq maraqlı alınıbdı:

Google`un mobil əməliyyat sistemi olan Android hər dəfə statistikalar açıqlananda öz bazar payını bir az daha artırır. Bu dəfə də comScore`un Amerika üçün açıqladığı bazar araşdırmasının nəticələrinə görə Android yüksəlişi nəticəsində Palm`ı keçibdi:


( Ətraflı oxuyun )

Google`un mobil əməliyyat sistemi Android getdikcə populyarlığını artırır. Hətta internetdə Androidlə bağlı qəribə məqamlarla da rastlaşmaq olar. Bu gün də maraqlı bir məlumatla rastlaşdım. Tim Heath və Ryan Hickman iki nəfər Android əməliyyat sistemi əsaslı bir cihaz ilə sadə də olsa hazırlayıblar… Bu sadə robotun üzərində yalnız 30 dollarlıq bir cihaz var. Kompüter üzərindən lazımlı əmrləri verib uzaqdan istiqamətləndirmək olur. Bu robot həm də dolayı yolla Androidin gücünü göstərir. Boşuna həmin əməliyyat sistemi ilə işləyən telefonlar «ağıllı telefonlar» adlandırılmır.
Həmin robotun düzəldilməsi və testləri ilə bağlı videolar:

( Ətraflı oxuyun )