Blogun Səhifələnməsi haqqında.

Blogda məqalələrin sayı çoxaldıqca bütün məqalələri Ana Səhifəyə yerləşdirmək məqsədəuyğun deyildir. Belə ki, Ana Səhifədə məqalələrin sayı nə qədər çox olarsa, məlumatlar bazasına sorğuların sayı da çoxalacaqdır ki, bu da internet sürəti zəif olan ziyarətçilərin hövsələdən çıxaraq blogunuza bir daha qayıtmama halı yarada bilər. Bunun üçün məqalələrin ümumi sayını müəyyən statik hissəyə bölüb, bu saydan sonra növbəti səhifəyə keçid vermək çox əlverişlidir. Məsələn: ilk 5 məqaləni birinci səhifədə, sonrakı 5 məqaləni isə ikinci səhifədə və ilaxır. Bunu avtomatik etmək üçün WordPress Admin Panelində Settings->Reading bölməsinə daxil olub, Blog pages show at most -> 5 seçmək olar ki, hər 5 məqalə növbəti səhifəyə keçid vasitəsilə yerləşdirilsin. Keçid vasitəsiylə məqalələrin hər səhifədə eyni sayda yerləşdirilməsi, yəni səhifələnmə (pagination) bir çox WordPress temalarda çox primitiv formada olur. İstifadəçi üçün səhifələnməni daha funksional etmək üçün WP-PageNavi adlı mükəmməl bir plugin mövcuddur. Bu plugin tərəfimdən Azərbaycan dilinə tərcümə olunmuşdur. İlk öncə onu qeyd edim ki, WP pluginlərinin Azərbaycan dilində görüntülənməsi üçün WordPressin təməl papkasındakı wp-config.php faylında:

( Ətraflı oxuyun )

WordPress pluginlərin Azəri dilinə tərcüməsi.

Wordpressin pluginlər səhifəsinə baxanda bir çox pluginlərin müxtəlif dillərə olan tərcümələrini gördüm. Fikirləşdim ki, Axı niyə görə Azəri dili bu dillər sırasında olmamalıdır? Sırf buna görə vaxta israf edirəm deməyib, WordPress pluginlərdən ən məşhurlarını tərcümə etməyə başladım və plugin müəlliflərinə göndərdim. Bunlardan isə Contact Form 7 plugini ilk olaraq yeniləndi və yeni versiyaya «Azeri» dili daxil edildi. Təbbi ki, tərcümədə bəzi sözlərin tərcüməsində nöqsanlar ola bilər. Ona görə də, nöqsanların düzəldilməsi üçün sizlərdən təklif və tələblər gözləyirəm.

( Ətraflı oxuyun )

Saytın Xəritəsi haqqında.

Axtarış Sistemlərinin robotları və blogun ziyarətçiləri üçün Saytın Xəritəsinin yaradılması çox vacibdir. Saytın Xəritəsi Axtarış Sistemlərinin robotları tərəfindən blogun düzgün indeksləşdirilməsinə kömək edir. Nümunə üçün Saytın Xəritəsinin nə olmasının izahı üçün, bu nümunəyə baxaraq müəyyən təəssürata sahib ola bilərsiniz.

Ümumiyyətlə, bu məqalədə WordPress blog üçün 2 cür Saytın Xəritəsini tərtib edəcəyik:

Axtarış Sistemlərinin robotları üçün

( Ətraflı oxuyun )

Ümumi Məlumat:

WordPressi Real Serverdə quraşdırdıqdan sonra tənzimləmələri qaydasına salmaq lazımdır ki, gələcəkdə əlavə problemlər yaranmasın. Bunun üçün öncə Admin panelə daxil olmaq lazımdır. WordPress blogumuzun Admin Panelinə daxil olmaq üçün (istər real, istərsə local serverdə), browserdə sizinblog.com/wp-admin yazırıq, sonra WordPressi quraşdırarkən təyin etdiyimiz administrator adı və şifrəsin yazıb daxil oluruq. Daxil olduqdan sonra Admin Panelin menyusunda Tənzimləmələr (Settings) Menyusunda olan, Ümumi (General), Writing (Yazma), Reading (Oxuma), Discussion (Müzakirə), Media (Media), Privacy (Məxfilik), Permalinks (Perma Linklər) alt menyularına bir-bir daxil olaraq tənzimləməliyik.

( Ətraflı oxuyun )