Azərbaycan Respublikasının yuxarı dərəcəli .az milli domen zonasında qeydiyyatdan keçmiş domenlərin sayı 10 mini ötüb.

Milli.Az xəbər portalı Rabitə və İnformasiya Texnologiyaları Nazirliyinin saytına istinradən xəbər verir ki, mayın 5-i üçün olan vəziyyətə görə, milli domen zonasında 10011 ünvan qeydə alınıb.
Cəmi cari il ərzində .az zonasında 700-dən çox domen qeydiyyatdan keçib.

.az domen zonası Azərbaycanda yerləşən və ya ona aid olan obyektlər üçün istifadə olunur.

İkinci dərəcəli əsas domen adlarında qeydiyyatdan keçmiş ünvanların sayı üzrə vəziyyət aşağıdakı kimidir: com.az (530 domen), net.az (65), int.az (53), gov.az (61), org.az (79), .edu.az (85), .info.az (21), .pp.az (51).

Mənbə: www.mincom.gov.az/az/main.html

Azərbaycan İnternet Forumunun növbəti toplantısı keçirilib.
Toplantıda Azərbaycan İnternetinin keyfiyyətinin yaxşılaşdırılması istiqamətində atılan addımlar, Milli İnternet Müsabiqəsinin Əsasnaməsinin təkmilləşdirilməsi, .az domeninin qeydiyyatının legitimləşdirilməsi ilə bağlı məsələlər müzakirə olunub.

AİF tərəfindən İnternetin keyfiyyəti ilə bağlı aparılan Monitorinqin nəticələri acıqlanıb. Toplantıda son illərdə internetin qiymətinin xeyli dərəcədə endirilməsi bir daha müsbət hal kimi dəyərləndirilib və bunun nəticəsində genişzolaqlı istifadəçilərin sayının xeyli artdığı bildirilib. Bununla belə Azərbaycan internetinin keyfiyyət probleminin son dövrlərdə kəskin dərəcədə pisləşdiyi bildirilib. Müvafiq qurumlar tərəfindən bu istiqamətdə yetərli və təsirli tədbirlərin görülmədiyi qeyd edilib. Müzakirələrin yekunu olaraq keyfiyyət probleminin aradan qaldırılması üçün səmərəli Təkliflər hazırlanıb və müvafiq qurumlara təqdim edilməsi nəzərdə tutulub.


( Ətraflı oxuyun )

Bildiyimiz kimi 2 gün əvvəl “Технологии будущего” şirkətinin(Hosting.ua) Ukraynanın Odessa şəhərində yerləşən ofisində baş vermiş yanğın nəticəsində 100-lərlə serverə ziyan dəymiş, çoxsaylı provayderlərin fəaliyyətində problemlər yaranmışdır. Azərbaycan saytlarının çoxunun xarici serverlərdə yerləşdiyi sirr deyil. Bu hadisə Azərbaycan saytlarına da təsirsiz qalmadı. Nümunə üçün Netmoney şirkətinin 4 serverinin “Технологии будущего” şirkətindən alındığını göstərmək olar.

( Ətraflı oxuyun )

Bu nöqtə az domaini mənim heç barışmadığım domainlərdəndir. Düzdür həmin domainlərdə işlədiyim də olubdu, ancaq alıcısı heç vaxt mən olmamışam. Həmişə bu domaindən gen gəzirəm. Elə bu dəfəki oxumu da nöqtə az domaininə uzaqdan atacam. Yəni içəridə nə olur, nə olmur bilmirəm. Sadəcə bu yazdıqlarım mənimçün maraqlı haldır. Deməli hamımız bilirik ki, bu domainləri internetdən çox asan yolla qeydiyyatdan keçirtmək mümkündür. Əlimizin altında panelimiz istədiyimiz kimi idarə edirik. Bir .com domainini qeydiyyatdan keçirtmək ən çox halda15 dəqiqə vaxt alar.

( Ətraflı oxuyun )

Bu mövzuya toxunmaq çoxdan bəri ağlımda idi. Ancaq ətraflı araşdırma üçün vaxt olmurdu. Mən də fikirləşdimki, yaxşısı budur hər dəfə vaxt edəndə bir az baxım, yazım və qaralamada saxlayım. Yadımdan çıxanları şərhlərdə paylaşarıq. Demək olar ki, mənim baxdıqlarım arasında konkret tendensiya ilə qarşılaşmadımki, bir qayda olaraq hamsı boş və ya alınmış olunsun. Maraqlı nəticələrlə rastlaşdım.

( Ətraflı oxuyun )

Dünən Ə.Rüstəmin twitlədiyi anda xəbərim oldu, Trend.az saytından olan məqalə idi. Azərbaycanda soyadların dəyişilməsi ilə bağlı məsələ indi aktualdır. Həmin məsələ ilə bağlı olan şəxsi fikirlərdən biri də, soyad sonluqlarının, Azərbaycanın domaini — .az ilə bitməsidir. Trend.az saytındakı müsahibədə belə deyilirdi.
Sitat:

Bununla bağlı mənim öz məxsusi fikrim var. Hesab edirəm ki, milli səviyyədə, bütün ölkə əhalisi üçün vahid soyad sonluğu düşünülməli və bu sonluq yalnız azərbaycançılığa, Azərbaycan xalqına, dövlətinə mənsubluğu göstərməlidir. Məsələn, mən təklif edərdim ki, Azərbaycanda bütün soyadların sonu «az» sonluğu ilə bitsin. Əlbəttə, soyadın son iki hərfi heç bir ciddi məna kəsb etmir. Deyək ki, ruslarda «ov», farslardakı «an», «yan», gürcülərdəki «ze» sonluğunun heç bir mənası yoxdur. Ancaq müəyyən milli domen göstəricisidir. Azərbaycanlıların soyad sonluqları «az»la qurtarsaydı, daha yaxşı olardı. "Az" Azərbaycanın həm internet domenidir, həm də xalqın, ölkənin adının ilk hecasıdır. Sözsüz ki, bu mənim fikrimdir və əlbəttə, hər bir fikir kimi, bunun da ictimai müzakirəyə çıxarılmaq haqqı var.

Düzü bilmədim nəyə görə domaini familyalara aid edirik. Həm niyə son vaxtlarda bu domain məsələsi belə populyar olubdu?

Bu gün AİF`in növbəti iclası keçirildi. Bu barədə blogda da məlumat verilmişdi. Toplantıda Milli İnternet ünvanların — .az domeninin qeydiyyatının legitimləşdirilməsi ilə bağlı məsələ müzakirə edildi. Toplantıda .az domainlərinin satışı ilə məşğul olan İntrans`ın direktoru Faiq Fərmanov da iştirak edirdi.
Müzakirə edilən məsələlər .az domainlərinin qeydiyyatını tənzimləmək, idarəsini asanlaşdırmaq yönümündə idi. Faydalı müzakirələr getdi, ümid edirəm ki, nəticəsi də olacaqdır.
Mövzu il boyu diqqətdə saxlanacaqdı. Yəqinki bu mövzuda daha çox blog yazıları və məlumatlar olacaqdı.

Osman Gündüz`ün toplantıdakı təqdimatı:


AİF`in rəsmi bəyənatı:

( Ətraflı oxuyun )

Azərbaycan İnternet Forumu bildirir ki, 04 fevral tarixdə AİF-in növbəti toplantısı keçiriləcək. Toplantıda Milli İnternet ünvanların — .az domeninin qeydiyyatının legitimləşdirilməsi ilə bağlı məsələ müzakirə ediləcək.
Məlum olduğu kimi hazırda mili internet ünvanının qeydiyyatı prosesi mövcud qanunvericiliyə və beynəlxalq normalara cavab vermir. RİTN tərəfindən əlaqədar qurumlarla birgə qanunvericiliyə uyğun qeydiyyat qurumunun yaradılması istiqamətində heç bir addımlar atılmamışdır. RİTN-nin qeyri-qanuni qərarı ilə qeydiyyat sahəsində inhisarçı və qeyri şəffaf bir mühitin formalaşmışdır. Son dövrlərdə isə bu qurumun bəzi rəsmiləri tərəfindən qeydiyyatla bağlı məsul təşkilat olan “İntrans” şirkətinə ünvanladığı qeyri-qanuni məktub bu sahədə vəziyyəti daha da pisləşdirmiş, nəticədə domen adlarının qeydiyyatı ilə bağlı korrupsiya və rüşvətxorluq üçün zəmin yaratmışdır.
AİF-in toplantısında milli internet ünvanların qeydiyyatı prosesinin beynəlxalq normalara və mövcud qanunvericiliyə uyğunlaşdırılması istiqamətində təkliflərin hazırlanması və gələcək fəaliyyət istiqamətlərinin müzakirəsi nəzərdə tutulub.
AİF in toplantısında həmçinin 9 fevral Beynəlxalq Təhlükəsiz Internet Günü münasibətilə ölkədə Təhlükəsiz internet probleminə diqqətin yönəldilməsin istiqamətində müzakirələrin aparılması nəzərdə tutulub

Azərbaycan İnternetində ən populyar kateqoriyadır bu əyləncə saytları.
Bəlkədə gündə biri açılır. Amma indiyə qədərdə bu əyləncə saytlarından heç biri keyfiyyətli kontent vermir demək olarki. Yəni nə qədərdə əyləncə saytı açılsa, heç birinə sayt deməyə adamın dili gəlmir. Dost-tanış da adamdan əyləncəli bir sayt ünvanı soruşanda bir ünvan verməkdə olmur.
iNet`ə daxil olanda təzə rastladığım saytlara baxırdım, yenə əksəri boş saytlar idi. Birinə baxanda isə nisbətən daha maraqlı bir saytla qarşılaşdım.

( Ətraflı oxuyun )