Son günlərdə Pinterestin adı texnologiya bloglarında daha çox çəkilməyə başlayıb.
Bəs Pinterest nədir?
Pinterest.com yeni sosial media alətlərindən biridir. Daha çox vizuallığa əhəmiyyt verilən servisdə 3 əsas funksiya var. «Add Pin», «Upload Pin» və «Creat a Board». Bir növ lövhəyə bəyəndiklərinizi pin etmək məntiqi ilə işləyir.
Pin-lər isə həm linklər, həm də Fotolar ola bilər. Əgər pin etmək istədiyiniz linkdə hər hansı bir foto tapılmırsa, o zaman bunu qəbul etməyəcək. Bu səbəbdən də daha çox vizuallığa əhəmiyyət verdiklərini demək olar.
Digər istifadəçilər ilə əlaqəsi isə Twitter məntiqi ilə işləyir — Follow (izləmək).
Digər Sosial Media alətlərindən ayıran isə, daha çox gündəlik həyatla bağlı — Qida, Moda, Səyahət, Sağlamlıq kimi contentlərin saytda daha çox rast gəlinməyidir. Saytın aylıq 10 milyondan çox unique ziyarətçisi var.

Servis barədə Lemon.ly adlı marketing şirkəti bir araşdırma aparıb.
Ən maraqlı məlumatlardan biri, 10 milyon istifadəçisi olan saytın hələki cəmi 16 nəfərlik işçisi var.
Sayt ABŞ-da aylıq 10 milyon istifadiçəyə ən tez çatan müstəqil saytdır.

Saytın aylıq 12 milyon ziyarətçisi, 10.4 milyon qeydiyyatlı istifadəçisi var ki, 9.5 milyonu Facebook üzvləridir.

Sayt barədə infoqrafika:


Bəzi Sosial Media saytları uzun müddət fəaliyyət göstərəndən sonra gəlir modeli fikirləşib, mənfəət əldə edirlər. Pinterest isə artıq gəlir gətirməyə başlayıb.
Josh Davis imzası ilə nəşr olunan yazıya görə Pinterest, pin edilən məzmunların linklərini dəyişdirərək gəlir ortaqlığı (affiliate) proqramı olan saytlara istiqamətləndirilən trafiklərdən gəlir əldə edir.

Amazon, eBay kimi saytların pin edilən məzmunlarına kliklənərək bu saytları ziyarət edən istifadəçilər alver etdiklərində Pinterest bu alverlərdən pay əldə edilir. Pinterest bu sistemi Skimlinksi istifadə edərək reallaşdırır. Çox ciddi trafiklərə çatmış Pinterest üçün bu üsul qısa müddətdə olduqca əhəmiyyətli bir gəlir halına gəlib. Təbii ki öz sistemini istifadə edən yayımçıların gəlirindən 35% pay alan Skimlinks üçün də elədir. Hətta bu tip saytlardan nəsə Pin edildikdə, saytda thumblarının sol üst tərəfində qiymətləri də yazılır. Bu da alış-veriş üçün bir az daha sitmul yaradır.

Pinterest bunu etdikdə, istifadəçilərin hüquqlarını da pozmur. Çünki, Pinterestin istifadəçi müqaviləsinə nəzər salındığında bu vəziyyətin hər hansı bir problem meydana gətirmədiyi də görülə bilir. Çünki Pinterestin istifadəçi müqaviləsində bütün pinlərlə əlaqədar hər cür dəyişikliyi etməyə haqqı olduğuna dair bir hissə var və istifadəçilərin xidməti istifadə edə bilmək üçün bu müqaviləni qəbul etmələri lazımdır. Digər tərəfdən əgər Pin olunmuş linkdə hər hansı bir affiliate proqramı tətbiq edən linkə rast gəlinirsə, bu zaman artıq link dəyişdirilmir.

Son olaraq isə bu yeni «oyuncaq»la artıq Sosial Media nəhəngi olan Facebook CEO-su Mark Zuckerberg də «onamağa» başlayıb. Zuck istifadəçi adı ilə qeydiyyatdan keçib — pinterest.com/zuck/.
Artıq izləyiciləri də artmağa başlayıb.