Yeni video paylaşım saytı açılıb. Bu haqda səhv etmirəmsə sosial mediada xəbərdar olmuşdum. Ancaq saytın strukturu cəhətdən ciddi qəbul etdiyim bir platforma olmamışdı. Ancaq bu gün texnologiya jurnallarından biri olan İnfocity-də bu haqda bir yazı oxudum. Saytın Delta Telecom kimi mötəbər bir texnologiya şirkəti tərəfindən dəstəkləndiyini görəndə bir xeyli təəccübləndim. Deməli yazmağa dəyər. Uğurlar olsun.
Onu deyim ki, bu formada saytın inkişaf edəcəyə heç oxşamır. PHPMotion üzərində qurulmuş hazır sistemdir. Heç bir xüsusi yeniliyi yoxdur. Nəsə əlavə edilməyib. Playeri jwplayer-di. Olmağına sözüm yoxdur. Ancaq bildiyim qədəri ilə onun lisenziya haqqını ödəmək lazımdır ki, logonu yığışdırmağa icazə verilsin.
Saytının adının niyə məhz Azeri prefexi ilə qurulduğu aydın deyil. Burada i hərfi nəyi simvolizə edir? Üstəlik video saytının elə gərək YouTube kimi adı mütləq Tube sözü ilə əlaqəli olsun? Məsələn Qazağıstanda Kiwi.kz deyilən video paylaşım saytı var. Həm sistem cəhətdən kifayət qədər yüksək səviyyəlidir. Həm də orada ən çox istifadəçiyə sahib saytlardandır.
Cəmi 11 qeydiyyatlı istifadəçisi var ancaq reklam yerləşdirmək üçün səhifədə yazılıb ki, "AzeriTube saytında reklamlar ilə özünüzü tanıdın.Sizin bannerinizi minlərlə istifadəçilər görəcək".
İlkin gözə dəyən məqamlar bunlardır. Əgər işin adında Delta Telecom brendi varsa, gərək sayt da ona yaraşsın. Kifayət qədər peşakar iş görülsün. İdeya olaraq yaxşı ideyadır. İnternet qiymətlərinin endiyi bir vaxtda bu tip saytlara ehtiyac yaranacaq. Ancaq işi keyfiyyətli görmək lazımdır ki, lazımı istifadəçiləri cəlb etmək mümkün olsun.