Bu gün Mail.ru-da Bakcell-in ənənəvi reklamlarından birini gördüm. Əksərən reklamların keyfiyyəti normal vəziyyətdə olurdu. Bu dəfə isə heç gözə xoş gəlmədi. Bannerdə pixellər bilinir. Əslində bu cür bannerlə ilk dəfə deyil rastlaşdığım. Kifayət qədər böyük imicə malik şirkətlərin belə keyfiyyətsiz bannerləri reklam üçün təsdiqləməsi başa düşülməzdi. Adama lap pulsuz proqramlarda düzəldilmiş, basic bannerləri xatırladır.
Məsələn son gördüyüm Bakcellin bannerini götürək. Qeyd elədiyim kimi banner keyfiyyətsizdir. Orta hissədə hərəkətli olan icon, vectorial deyil. Pixelləri sayılır. Reklamdan daha çox antireklama oxşayır.

Maraqlısı odur ki, reklam heç də ucuz yerdə yerləşdirilməyib. Yüzlərlə, minlərlə pul xərclənib bannerləri belə böyük, xarici saytlarda yerləşdirirlər. Reklam büdcələri olduqca böyük olur, ancaq reklamın özünü belə keyfiyyətsiz hazırlatdırırlar. Reklama xərclənmiş o boyda büdcə də hədər olub gedir.
Son qarşıma çıxan Bakcell oldu deyə onu misal çəkmişəm. Ancaq bir çox misallar gətirmək olar. Məsələn Azerfon-Vodafone reklamlarında bir dəfə qarşıma bənzər bir şey çıxmışdı:


Elə indi lent.az-da NBC Bankın eyni fasonda reklamını gördüm.


Sonra Azercell-in də belə keyfiyyətsiz banneri var idi.

Odnoklassniki.ru-da Debenhams:


Uzun sözün qısası, banneri yerləşdirdikləri platformalara N qədər pul verirlər, banneri düzəltdirmək üçün əllərini ciblərinə atmağa qıymırlar deyəsən.