Bu gün Mobile World Congress 15 fevral 2009-cu ildə Barcelonada başlayıbdı. Hətta bu konqressdə Azərbaycan nümayəndə heyyəti də iştirak edibdi. Bu konqressdə mobil texnologiyalar tanıdılır. Bu ilki konqressdə əsas diqqət Windows Phone 7'nin üzərində idi. Yeni məhsul deyəsən uğrulu kimi görünür. Videosuna baxaraq bir fikrə gəlmək olar.


Bu ilki mobil konqressdə Nokia`nın məhsulu da maraqla gözlənirdi. Ancaq Nokia yeni məhsulla iştirak etmədi. Əvəzində isə yeni bir əməliyyat sistemi barədə açıqlama verdibdilər. Belə ki, Nokia`nın Linux əsaslı Maemo və Intel`in Moblin əməliyyat sistemləri artıq MeeGo adı altında olacaq.


İki şirkətin birgə təqdimatı olacaq əməliyyat sistemi görək nələri ilə diqqət çəkəcək. Ancaq mən şəxsi olaraq ümumiyyətlə bu il Nokia`dan nəsə yenilik gözləyirəm. Çünki, onlar Symbian sistemini də açıq qaynaqlı hala gətirdilər.
Nokia CEOi Olli Pekka`nın da olduğu yığıncaqda yeni əməliyyat sisteminin cib kompüterləri, Netbooklar, tablet kompüterlər, cib telefonları və maşın içi məlumat sistemlərində istifadə edilməsi planlanır.

Başqa bir maraqlı yenilik isə Ericsson`dan olubdu. Sınaq reallaşdıran Ercisson, LTE (4G) əlaqəsində rekord sürətə çatdı. Qurulan əlaqə, saniyədə 1 GB sürətinə qədər yüksəldi.


Samsung`un telefonu da pis deyil. Twitterdən də yazmışdım. Yaxşı telefona oxşayır. Wave S8500 markalı ağıllı telefonda yeni əməliyyat sistemi olan Bada istifadə olunubdu. Bu sistem də Samsungun yeni məhsuludur. Yaxşı xüsusiyyəti isə falsh dəstəyi olmağıdır. Apple`dan fərqli olaraq Adobe ilə arasını yaxşı saxlayan Samsung, bu telefonu sayəsində flash developerlərinində sevimlisi olacaq.


Motorola isə deyəsən Androidin xeyrini görür. Ona görə də bu əməliyyat sistemi ilə işləyən telefonlarının sırasına yenilərini əlavə edir. Bu tədbirdə isə Motorola Cliq XT və ya Avrapa'dakı adı ilə Quench təqdim edibdi.


Bu yuxarıda sadaladıqlarım sadəcə mənim diqqətimi çəkən, mənə maraqlı olanlardır. Daha ətraflı öyrənmək istəsəniz, tədbirin gedişini izləmək istəsəniz Engadget blogunu məsləhət görə bilərəm.