Bu gün oxuduğuma görə, domain seçimləri arasına yeni bir sonluq da əlavə olunur — .co.
Statistik göstəricilərə nəzər salsaq dünyada həftə ərzində 800 mindən çox domain qeydiyyatdan keçirilirmiş. Həmin statistikaya görə isə Azərbaycan statistikası təqribi 3700-dən artıqdır. Düzdür statistikanın doğruluğu barədə bir söz deyə bilmərəm.
Yeni istifadətə verilmiş .co domainin nə dərəcə yadda qalan olduğunu deyə bilmərəm. Çünki, .com ilə oxşarlığı çoxdur. Bu tip domainləri əksərən söz oyunları üçün istifadə etmək maraqlı olur. Məsələn seyahet.im kimi. Nəsə .co üçün ağlıma indi bir söz oyunu domaini gəlmir.
Yeni domainin qeydiyyatı public olmazdan əvvəl (iyul) də, özünüzə qısa və yadda qalan bir adı seçmək mümkündür. Bunun üçün 15 iyuna qədər 5 səhifəlik "Application Form«u doldurub yollamağınız lazımdır. Ətraflı məlumat burada var. Siz domaini satışa çıxmazdan əvvəl əldə etmək üçün öz proyektinizin uğurunu və prestijliyini müdafiə etməlisiniz.
Nəsə inanmıram Azərbaycandan kimsə müraciət etsin. Edən olsa isə uğurlar olsun.