İnternet dünyasının nəhənglərindən olan Google, istifadəçilərinin hesablarında fərdi məlumatlar və istifadə şərtləri xidmətlərində böyük dəyişikliyə gedəcəyini açıqladı.

ABŞ-ın Kaliforniya əyalətində olan şirkət mərkəzindən edilən açıqlamaya görə; Google hesabı olanlar üçün 1 Martdan sonra qüvvəyə minəcək bu dəyişikliklərlə əlaqədar istifadəçilərə email ilə məlumat veriləcəyi bildirildi.Google-un təhlükəsizlik və gizlilikdən məsul səlahiyyətlisi Alma Whitten, «Yeniliklərin xülasəsi olaraq, belə deyə bilərik: Sizə, bütün məhsullarımızın tək istifadəçisi kimi davranacağıq» deyib.

Bu dəyişiklikdəki hədəf bütün Google xidmətlərindəki 60-a yaxın istifadə qaydasını tək bir mərkəzdə toplanmasıdır. Nəticə olaraq bu yeni tənzimləmələrdən sonra Google, başqa xidmətlərindən gələn məlumatları qruplaşdıra biləcək və beləcə istifadəçilərini qlobal bir şəkildə idarə edə biləcək.