Son 3 gündür evdə Facebook və Twitter-ə problemli daxil olurdum. Sayt 3-5 dəqiqə down göstərir sonra yenidən daxil olmaq mümkün olurdu. Evdə Bakinternet işlədirəm. Ofisdə isə Stream(Uninet) -dir və normal daxil olmaq olurdu.
Dünən gecə isə Facebookda bəzi istifadəçilərin Google-a daxil olma problemi ilə üzləşdiklərini müşahidə elədim.

Mən elə fikirləşirdimki bu provayderlərdən qaynaqlanan bir problemdir. Ancaq bu gün (31 avqust) ofisdə də Facebook-a daxil olmaq mümkün olmadı. Soruşduqlarımdan isə bəzilərində bu problem var idi, bəziləri isə problemsiz daxil ola bilirdilər Facebooka. Eyni zamanda Mashable-da yazılan yazıya görə də bu ümumi problemdir.
Twitter-də də axtarış edəndə bir çox yerdən bu problemlə qarşılaşıldığını görmək olar.
Belə fikirləşmək olar ki, problem nəsə ötürmə problemidir. Bir müddət əvvəl də buna bənzər problem olmuşdu. Bu zaman Deltanın 4 kanalından — (1. RosTelekom 2. TeliaSonera 3. Transeurocom 4. TurkTelekom) birində TürkTelekomda problem olmuşdu. Bu dəfə nə olduğunu da yəqin yaxında bilərik. Ancaq bu dəfə sırf local yox daha globaldır.