Bu mövzuya toxunmaq çoxdan bəri ağlımda idi. Ancaq ətraflı araşdırma üçün vaxt olmurdu. Mən də fikirləşdimki, yaxşısı budur hər dəfə vaxt edəndə bir az baxım, yazım və qaralamada saxlayım. Yadımdan çıxanları şərhlərdə paylaşarıq. Demək olar ki, mənim baxdıqlarım arasında konkret tendensiya ilə qarşılaşmadımki, bir qayda olaraq hamsı boş və ya alınmış olunsun. Maraqlı nəticələrlə rastlaşdım.
Dünyada böyük sayt deyəndə, təbii ki ağlımıza ilk əvvəl Google gəlir. Google`un da .az sonluqlu domaini var — Google.az.

Yəqinki bu haqda çox yazmağa ehtiyac yoxdur. Hər kəs tanıyır. Ona görə də digərlərinə keçirəm.
Yahoo ilə davam edirəm. Yahoo.az`ı da özləri qeydiyyat edibdi.

Düzdür .az domaininə məxsus sayt qurulmayıbdı. Daxil olanda world.yahoo.com `a yönlənir. Nə vaxt buna aid ayrıca bir sayt qurular, Yahoo bizim bazar haqqında düşünər demək çətindir. Amma domainləri özlərindədir.
Baxılacaq digəri isə başqa bir internet nəhəngi Microsoft olsun. Onunda domaini özünə məxsusdur.


Microsoft.az da Azərbaycana yönəlmiş, Azərbaycan dilində olan saytdır.

Dünyada Google`un ardınca ikinci olan Facebook`un isə .az domaini free görsənir. Maraqlıdır tərkibində Azərbaydan dili olan belə böyük sayt niyə .az domaininə sahib çıxmayıbdı.


Mikrobloq sistemi olan Twitter isə .az domainin alıbdı. Twitter.az isə əsas sayta yönlənir.


Google məhsullarından olan, dünyanın ən böyük video paylaşım saytı Youtube`un .az domaini yoxdur.


Microsofta məxsus Live.com domainin (Alexa sıralamasında 5-ci yer). Həmin domainin .az`ı isə özlərinə məxsus deyil, hansısa yerli bir sayta yönlənir:


Ən çox istinad edilən mənbə olan Wikipedia`nın Azərbaycan domaini fərdi şəxsə malikdir. Həmin domain isə wikipedia.az yönlənir Birja qəzetinə.

Nəsə Wikipedia`nın domainin fərdə məxsus olacağına inanmazdım.

Boş domainlər siyahısında MySpace və Wordpress də var.


Microsoftun axtarış motoru Bing`in .az domaini isə sərbəst deyil. Ancaq qeydiyyatçı nəsə İtaliyanı göstərir. İnformasiya arasında isə Microsoft detalları tapa bilmədim:


Amazon`un .az domaini də özünə məxsus olanlardandır:


Şimal qonşumuz Rusiyanın axtarış motoru Yandex`in də .az domaini aktivdir.

Qeydiyyat edənin adı fərdi şəxs kimi görünsə də, NS`ləri Yandex`ə aid görünür. Eyni zamanda Yandex.az özü də Yandex.ru`ya yönlənir.