IBM →  19 il dalbadal ABŞ-ın ən çox patent qazanan şirkəti



Yanvarın ilk günlərində IBM elan etdi ki, o, 2011-ci ildə bir-birinin ardınca 19-cu dəfə olaraq “IFI CLAIMS Patent Services” tərəfindən ən çox patent sayına görə ABŞ-da rekorda imza atıb. IBM-çilər öz şirkətinə il ərzində 6 180 patent qazandırıblar. 2011-ci ilin nəticələrinə əsasən patent sayına görə ABŞ-da lider şirkətlər bunlardır:
1. IBM — 6,180;
2. Samsung — 4,894;
3. Canon — 2,821;
4. Panasonic — 2,559;
5. Toshiba — 2,483;
6. Microsoft — 2,311;
7. Sony — 2,286;
8. Seiko Epson — 1,533;
9. Hon Hai — 1,514;
10. Hitachi — 1,465.

IBM-çilərin rekord sayda patent qazanmaları yeni innovasiyaların meydana gəlməsinə, həmçinin şirkətin məhsul və xidmətlərinə nəzərə çarpacaq dəyər əlavə etməyə imkan verir. Bunlara əsasən satış, bankçılıq, tibbi xidmət, nəqliyyat və digər aparıcı sahələrə verilmiş bəşəri töhvələr aiddir. Bu patentləşdirilmiş kəşflər həmçinin yeni nəslin inkişafı üçün və daha rahat həyat üçün əvəzsiz rol oynayır. Təqribi hesablamalara görə IBM tədqiqat və inkişafa 6 milyard yatırım edib və bu yatırımlar onun gəlirini əhəmiyyətli dərəcədə artırıb.

2011-ci ilin patentlərindən bəziləri:

1. Elektron ticarət təhlükəsizliyi domenlərində istifadəçi imtiyazlarının verilməsi. Bu kəşf “IBM WebSphere Commerce” istifadəçilərinə müxtəlif onlayn mağazalarda azad autentikasiya və avtorizasiya mexanizmləri yaratmaqla inzibati və resurslara çəkilən xərcləri azaltmağa imkan verir. Başqa sözlə bu kəşf administratorlara və alqı-satqı edənlərə individual onlayn mağazalara, eləcə də eyni şirkət tərəfindən idarə olunan müxtəlif onlayn mağazalara giriş verir.
2. Analitik prosedurların avtomatlaşdırılmış interpretasiyası üçün sistem və metodlar. Bu kəşf mütəxəssisər tərəfindən müəyyən edilmiş şablonların köməyi ilə analitik nəticələrin adi dillə izahatının dinamik qurulması metodunu təsvir edir.
3. Kortik simulyasiya üçün sistem və metod. Bu kəşf beyin qabığının funksiyasını və idrak sistemlərinin kompüterləşdirilmiş beyin simulyasiyasının inkişafı metodunu nəzərdə tutur. IBM insan beyninin qavrama, hərəkət və idrakını yamsılayacaq eksperimental kompüter çiplərinin prototiplərini hazırlayıb.
4. Analitik funksiyaların istifadəsi. Bu kəşf istifadəçilərə müxtəlifcinsli verilənlərin mənbələri üzərində mürəkkəb dərəcəli kütləvi analizlər etməyə imkan verir.

ABŞ-ın patent sayına görə 10 lider şirkəti:

ABŞ-ın patent sayına görə 10 lider şirkəti

IBM və əsas rəqibləri:

IBM və əsas rəqibləri

© Rəşad Mehbaliyev
IBM Macarıstan, Budapeşt
Paylaş :
share

Şərhlər (4)

RSS yığmaq / açmaq
+
+1
IBM divdir, yenilməsi mümkün olmayan div. :) Bu günlərdə 80-ci illərin ortalarında yazılmış əla bir kitab oxudum: Marketing Warfare, orada IBM-dən ətraflı bəhs olunur. Çox maraqlı qeydlər var.
Məsələn orada birmənalı olaraq deyilir ki yaxın gələcəkdə İBM-in ən böyük olaraq qalmasına heç kim mane ola bilməz (düz çıxdı məncə)
Satış baxımından ona yeganə rəqib ola biləcək firma HP-dir, gələcəyi parlaqdır (düz çıxdı, hazırda dünyada ən çox laptop satan firma HP-dir, laptopda qazancı yüksək olmasa da. O cümlədən HP server və.s. həllərində əla satışa malikdir)
O kitabda yeganə düz çıxmayan proqnoz ev kompüterləri sahəsində İBM-dir. Bildiyiniz kimi İBM bu sahədən tamamilə uzaqlaşıb artıq(Lenovoya satıb)
Apple haqda da çox maraqlı fikirlər və proqnozlar var, onlar da doğruldu zaman-zaman.
Apple 1984-cü ildə İBM-ə sataşaraq George Orwellin məşhur 1984-ünün motivləri əsasında qəşəng reklam çarxı çəkmişdi, paylaşaq onu da :)
avatar

Elliot

+
0
Düzü IBM-də işləsəm də, düşünmürəm ki, IBM yenilməsi mümkün olmayan divdir, məncə yenilməz şirkət ümumiyyətlə yoxdur :) IBM-in liderliyi, məncə, onun əvəzsiz məhsullarının sayı və keyfiyyətindədir (patentlərin sayından da bu hiss olunur), hazırda intellektual dünyanın formalaşdırılmasını qarşısına məqsəd qoyub və ən qabaqcıl kompüterləşdirmə işlərində IBM-in təklif etdiyi məhsul və xidmətlərdən istifadə olunur. IBM-in laptop və kompüterlərin istehsalından imtina etməsi, məncə, onun ən uğurlu qərarlarından biri olub, çünki hazırda Çin və ya Hindistan kimi ölkələrdə daha ucuz laptopların istehsal olunduğu bir vaxtda IBM-in bahalı laptopları bazarda rəqabətli sayılmayacaqdı. Ona görə də IBM əsasən heç bir rəqib şirkətlər tərəfindən istehsal olunmayan malları kəşf edib onları baha qiymətə satmaqdan əla pul qazanır :)
avatar

RMehbaliyev

+
0
IBM-in laptop bazarından çəkilməsi təbii ki uğurlu addım idi, hər halda orda bizim kimi bir nəfər düşünüb qərar vermir, 100lərlə düşünən analiz edən başlar var ki, əlbəttə ki onlar belə primitiv səhvə yol verməzlər. Çəkildirlərsə deməli çəkilmək lazım idi. :) Amma yenə də, ümumi yanaşanda bu məğlubiyyətdir bu sektorda. Bildiyin kimi HP də aylar öncə şok bir bəyanat verdi, mobil və planşet bazarından çəkilməyi elan etməsi bir yana, laptop və pc bazarından da çəkilmək haqda düşündüklərini açıqladılar. Hazırda dünyada ən çox kompüter satan şirkət olmasına rəğmən. Səbəb isə bu sektordan olan xalis gəlirlərinin gözləniləndən xeyli aşağı olmasıdır. Yəni ki, nəhənglər belədir, hansısa sektordan çəkilməkdən çəkinmirlər, çünki çəkilməklə diqqətlərini daha güclü olduqları sektora yönəltmək imkanı qazanırlar.
Qaldı yenilməzliyə. Nəzəri olaraq mümkündür yenilməyi, əlbəttə, amma real yanaşmaq lazımdır, praktiki olaraq bu hazırda mümkünsüzdür. :)
avatar

Elliot

+
0
HP görəndə ki, əməliyyat gəliri, xalis gəliri, ümumi kapitalı, eləcə də digər gəlirlilik göstəriciləri düşür, belə qərar verməliydi. IBM daha öncə bu qərarı verməklə çox ağıllı hərəkət edərək, bu çox da rentabelli olmayan sahəni HP-yə buraxdı :) Rəqabətə və yenilməzliyə gəldikdə isə, IBM-in məncə özü üçün müəyyən etdiyi intellektual maşınlar istehsalında ciddi bir rəqibi yoxdur, qrafiklərdən də görünür ki, ən güclü rəqibi olan Microsoft belə 2.7 dəfə daha az patent qazanıb.
avatar

RMehbaliyev


Yalnız üzvlər şərh yaza bilər. Şərh yaza bilmək üçün daxil olun və ya acebook hesabınızdan istifadə edin.