Mobil operatorlar yenə türklər demiş “kendilerini kayb etmiş”! Sual verə bilərsiniz,“Məsələ nədir???” Mən də elə deyirdim, amma iki gün dostlarımın biri aşağıda gördüyünüz fotoya teq edilməsə idi.


Foto FB-yə “Mobil operatorların son kampaniyaları və hesablamalar” adı altında yerləşdirilib. Fotoya baxan kimi dedim ki,vse, mənlikdi bu söhbət! Bu foto kifayətdir ki, kimin bazarda nə etmək istədiyini anlayaq. Təsəvvür edin, eyni fason xidməti eyni dəqiqədə Bakcell bizə 72 manata satır, Azercell 27-ye, Nar Mobile isə 10 manata. Dəhşətttt!
Bundan başqa, son vaxtlar bir şeyin şahidi olmuşam. Bir operator nə edirsə, o biri onun oxşarını edir. Elə bil bəhsə-bəhsdirlər. Məsələn, Nar Mobile ilə Azercell. Elə bil yarış keçirirlər.
Bu fotoda Bakcell-ə bir sözüm var: “No comment!” :) 72 AZN (!)
Nar Mobile-ın Bomba10-da danışıq paketində deyirlər ki, bir ayda 10 manat yükləsək, 600 dəqiqə şəbəkədaxili, 300 dəqiqə isə ölkədaxili (o biri operatorlar) danışa bilərik.
Azercell-in Yay kampaniyası isə deyir ki, SimSimçilər cəmi bir ay ərzində (4 iyul-4 avqust) 10 manata bütün operatorlarla dəqiqəsi 3 qəpikdən danışa bilərlər.
Bir sual maraqlıdır! Amma niyə bir ay?! Əgər Azercell bir aylıq bunu edə bilirsə, deməli yarandığı vaxtdan bəri (15 il) edə bilərdi də… Amma eləmir. İndi bircə aylıq ağzımızı şirin edir, qalan aylar isə yenə soyulacağıq.
Bu “hamam suyu ilə dost tutmaq” məsələsinə oxşayır. Yəni edə bilərik, amma etmirik! Ucuz mobil xidmətdən istifadə etmək haqqımızdır da! Niyə Azercell, bütün günü dəyərlərdən danışan, dəyərləri qorumaq, yaratmaq və paylaşmaq olan bu şirkət bizə bu haqqımızı “skidka” kimi “dürtüşdürür?”
Sual sizə ünvanlanıb, dostlar! Fikirlərinizi bilmək xoş olardı.